الماتىدا ىشكى قۇندىلىقتى دامىتۋ، سونىڭ ىشىندە وتاندىق كاسىپكەرلىكتى قولداۋ جونىندە الماتى قالاسى اكىمدىگى، مەملەكەتتىك ورگاندار جانە بيزنەس وكىلدەرىنىڭ اشىق كەزدەسۋى ءوتتى، دەپ حابارلايدى aqshamnews.kz
كەزدەسۋ بارىسىندا قالانىڭ جەرگىلىكتى وندىرىستەگى تاۋارلار مەن ماتەريالدارعا دەگەن قاجەتتىلىگى، سونداي-اق قازاقستاندىق كومپانيالاردىڭ قالالىق جوبالاردى جۇزەگە اسىرۋعا قاتىسۋ مۇمكىندىكتەرى تالقىلاندى. جيىن الماتى قالاسى اكىمىنىڭ ورىنباسارى ولجاس سماعۇلوۆتىڭ توراعالىعىمەن ءوتتى.
ءىس-شارا الماتى قالاسى اكىمىنىڭ مەگاپوليس ۇيىمدارىنىڭ ساتىپ الۋ جۇيەسىندە ىشكى قۇندىلىقتى دامىتۋ جونىندەگى جۇمىس توبىن قۇرۋ تۋرالى وكىمىن ىسكە اسىرۋ اياسىندا ۇيىمداستىرىلدى. كەزدەسۋگە بيزنەس قاۋىمداستىق وكىلدەرى، سالالىق بىرلەستىكتەر مەن الماتى قالاسىنىڭ «اتامەكەن» وڭىرلىك كاسىپكەرلەر پالاتاسىنىڭ وكىلدەرى قاتىستى. جۇمىس توبىنىڭ قىزمەتىنە جاۋاپتى ورگان رەتىندە الماتى قالاسىنىڭ كاسىپكەرلىك جانە ينۆەستيسيالار باسقارماسى بەلگىلەندى. بۇعان دەيىن ۋاقىتشا توقتاتىلعان ىشكى قۇندىلىقتى دامىتۋ باعىتىنداعى جۇمىستار قايتا جاندانىپ، جۇيەلى ءارى تۇراقتى فورماتتا جۇرگىزىلەدى.
وتىرىستا بيۋدجەتتىك باعدارلامالار اكىمشىلەرى وتاندىق وندىرىستەگى تاۋارلار مەن ماتەريالدارعا دەگەن سۇرانىس جونىندە ەگجەي-تەگجەيلى مالىمەت قامتىلعان جىلدىق جوسپارىن ۇسىندى. سونىمەن قاتار كەزدەسۋدە قالالىق ينفراقۇرىلىمدى دامىتۋ جانە جاڭعىرتۋعا باعىتتالعان جوسپارلار تانىستىرىلدى. اتاپ ايتقاندا، كوشەلەردى كورىكتەندىرۋ، قوعامدىق كەڭىستىكتەردى قايتا جاڭارتۋ، سۋبۇرقاقتار، سپورت ساياباقتارى جانە وزگە دە الەۋمەتتىك ماڭىزى بار نىساندار سالۋ جوبالارى ءسوز بولدى.
الماتى قالاسى اكىمدىگىنىڭ باسقا قۇرىلىمدىق بولىمشەلەرى قاتىساتىن مۇنداي كەزدەسۋلەر الداعى ۋاقىتتا دا جۇيەلى تۇردە وتكىزىلەتىنى ايتىلدى. اتالعان فورمات وتاندىق وندىرۋشىلەردىڭ ساتىپ الۋ جايىن ۇيلەستىرەتىن مەملەكەتتىك ورگاندارمەن ءوزارا ءىس-قيمىلىن نىعايتۋعا، سالالىق ماسەلەلەردى قوزعاۋعا جانە ونىمدەرىنىڭ الەۋەتىن كەڭىنەن تانىستىرۋعا مۇمكىندىك بەرمەك.