“مىندەت. ابىروي. ەرلىك” رەسپۋبليكالىق شىعارماشىلىق بايقاۋىندا الماتى قالالىق پد جەدەل باسقارۋ ورتالىعىنىڭ ينسپەكتورى الماس كۇنتايەۆ ەكىنشى ورىندى يەلەندى.
ق ر ىىم-دە قازاقستان پوليسياسى كۇنى قارساڭىندا “مىندەت. ابىروي. ەرلىك” رەسپۋبليكالىق كوركەمونەرپازدار بايقاۋى ۇيىمداستىرىلدى. وعان 50-گە جۋىق شىعارماشىلىق توپتار مەن جەكە ورىنداۋشىلار قاتىستى، دپ حابارلايدى Almaty-akshamy.kz Polisia.kz-كە سىلتەمە جاساپ.
بايقاۋدىڭ باستى تاقىرىبى قازاقستان حالقىنىڭ بىرلىگى، وتانعا دەگەن سۇيىسپەنشىلىك، وتباسىلىق داستۇرلەر مەن قۇندىلىقتار بولدى.
قازىلار القاسى قاتىسۋشىلاردى بىرنەشە سانات بويىنشا باعالادى: ارتىستىك شەبەرلىك، ساحنادا تۇرۋ قابىلەتى جانە قويىلىمنىڭ ەموسيونالدىق قۇرامداس بولىگى. الماس كۇنتايەۆ “ەسترادالىق ءان ايتۋ. سولو” نوميناسياسىندا ەرەكشەلەندى.
«مەن مۇنداي اۋقىمداعى شارالارعا ءتورتىنشى رەت قاتىسىپ وتىرمىن. وسىدان بىرنەشە جىل بۇرىن تاراز قالاسىندا ءبىرىنشى ورىن العان بولاتىنمىن. ىشكى ىستەر ورگاندارىندا 2018 جىلدان بەرى قىزمەت ەتىپ كەلەمىن. مەن بۇرىن-سوڭدى انشىلىك، مۋزىكالىق ءبىلىم العان ەمەسپىن، ءوزىمنىڭ جاقسى داۋىسىم مەن قابىلەتىم بار ەكەنىن وتباسىلىق ورتادا ەسكى ءاندى ايتىپ جۇرگەندە كەزدەيسوق بايقادىم. شىنىمدى ايتسام، بۇل مەن ءۇشىن ناعىز جاڭالىق بولدى»، – دەيدى الماس كۇنتايەۆ.
بايقاۋدىڭ باسقا لاۋرەاتتارى سياقتى الماس كۇنتايەۆقا ديپلوم مەن ەستەلىك سىيلىق تابىس ەتىلدى.