بۇل تۋرالى جەرگىلىكتى بيلىك وكىلدەرى مالىمدەدى.
ءقازىر تۇرعىندارعا قاجەتتى زاتتار تولىق جەتەدى. وڭىرگە كەشە تاعى بىرنەشە جۇك كولىگى كەلدى، دەپ حابارلايدى Almaty-akshamy.kz 24.kz-كە سىلتەمە جاساپ.
جالپى قازاقستان بويىنشا 40 توننا جارما، ماكارون ونىمدەرى، قانت، ۇن، سونىمەن قاتار ەكى توننادان اسا ەت، شۇجىق جانە 32 مىڭ ليتر سۋ جينالدى. تەز بۇلىنەتىن تاعامدار ءورت ءسوندىرىپ جۇرگەن ادامدارعا جونەلتىلدى. توتەنشە جاعدايدان كەيىن اشىلعان ارنايى ەسەپ-شوتقا ەل ازاماتتارى 500 ميلليون تەڭگە اۋدارعان.
«قۇرمەتتى جەرلەستەر بارلىقتارىڭىزعا مىڭ دا ءبىر راقمەت! وسىنداي قيىن ۋاقىتتا ءبىزدىڭ وبلىسىمىزدا بولىپ جاتقان جاعدايعا قول ۇشىن سوزدىڭىزدار. ءارقايسىڭىزدان كومەك كەلدى. سول كومەك بۇگىنگى تاڭدا جەتكىلىكتى. وسىدان كەيىن كومەكتى جىبەرىپ قاجەتى جوق»، - دەيدى وبلىستىق ءماسليحات ءتوراعاسى قۋانىش سۇلەيمەنوۆ.