الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى بولىپ باۋىرجان جاۋباسوۆ تاعايىندالدى، دەپ حابارلايدى almaty-akshamy.kz
باۋىرجان جاۋباسوۆ 1984 جىلى تۋعان. قازاق قۇقىقتانۋ جانە حالىقارالىق قاتىناستار ينستيتۋتىن، ق ر پرەزيدەنتى جانىنداعى مەملەكەتتىك باسقارۋ اكادەمياسىن بىتىرگەن، زاڭ عىلىمدارىنىڭ كانديداتى.
ەڭبەك قىزمەتى كەزەڭىندە جوعارعى سوتتا باس كونسۋلتانت بولىپ جۇمىس ىستەدى، سونداي-اق ق ر مەملەكەتتىك قىزمەت ىستەرى اگەنتتىگىندە مەملەكەتتىك قىزمەتتى قۇقىقتىق قامتاماسىز ەتۋ دەپارتامەنتى باسشىسىنىڭ ورىنباسارى لاۋازىمدارىن اتقاردى. ءار جىلدارى استانا قالاسى بويىنشا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ تارتىپتىك كەڭەسى حاتشىلىعىنىڭ مەڭگەرۋشىسى بولىپ جۇمىس ىستەدى. سونداي-اق قازاقستانداعى بۇۇدب مەملەكەتتىك قىزمەت سالاسىنداعى وڭىرلىك حاب جوباسىنىڭ ۇلتتىق كونسۋلتانتى لاۋازىمىندا جۇمىس ىستەدى. ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ باسقارۋ ينستيتۋتىنىڭ دوسەنتى قىزمەتىن اتقاردى.
2020 جىلدان 2022 جىلدىڭ قاراشا ايىنا دەيىن الماتى قالاسى اكىمى اپپاراتىنىڭ پەرسونالدى باسقارۋدىڭ ءبىرىڭعاي قىزمەتى باسشىسىنىڭ م.ا. بولىپ جۇمىس ىستەدى. 2022 جىلدىڭ قاراشا ايىنان باستاپ تاعايىندالعانعا دەيىن الماتى قالاسى قوعامدىق دامۋ باسقارماسى باسشىسىنىڭ ورىنباسارى بولدى.
ۇيلەنگەن، ءۇش بالانى تاربيەلەۋدە.