ورتالىق قالالىق كلينيكالىق اۋرۋحاناعا جول-كولىك وقيعاسىنا ۇشىراعان 54 جاستاعى ەر ادام شۇعىل جەتكىزىلگەن.
تەكسەرىس ناتيجەسىندە ناۋقاستىڭ وڭ جاق جامباس سۇيەگىنىڭ ىعىسۋىمەن جابىق پەريپروتەزدى سىنىعى انىقتالدى، دەپ حابارلايدى Almaty-akshamy.kz.وقكا باسپا ءسوز قىزمەتىنە سىلتەمە جاساپ.
اۋرۋحانانىڭ ورتوپەديا بولىمشەسى مەڭگەرۋشىسىنىڭ م.ا. سالامات تويىمبەتوۆانىڭ ايتۋىنشا، پاسيەنتكە شۇعىل وپەراسيا جاساۋ قاجەت بولعان، سەبەبى تامىرلار مەن جۇيكەگە زاقىم كەلتىرەتىندەي، سۇيەك جارىقشاقتارى پايدا بولىپ، ءقاۋىپتى سۇيەك سىنىقتارى دياگنوستيكاسى انىقتالعان.
تراۆماتولوگيا جانە ورتوپەديا كافەدراسىنىڭ دوسەنتى قايرات ورازالييەۆتىڭ باسشىلىعىمەن كلينيكانىڭ ورتوپەدتەرى ەر ادامعا جوعارى تەحنولوگيالىق وپەراسيا جۇرگىزدى. جامباس سۇيەگىنىڭ پەريپروتەزدى سىنىعىنىڭ وستەوسينتەزى. ناۋقاسقا كۇردەلى وتا جۇرگىزىلدى. كۇردەلى بولۋىنىڭ سەبەبى - پاسيەنتكە بۇعان دەيىن دە بىرنەشە وپەراسيا جاسالعان.
سۇيەكتىڭ اناتومياسى بۇزىلعان. سونىمەن قاتار، شۇعىل ارالاسۋى سۇيەگىندە ەندوپروتەزدىڭ اياقتارى بولعانىنان قيىنداي ءتۇستى، وسىعان بايلانىستى سۇيەكتىڭ تۇراقتى سينتەزىن جاساۋعا تۋرا كەلدى.
بۇل ۇدەرىس سۇيەك بولشەكتەرىنىڭ ۇزاق ۋاقىتقا قوزعالۋىن بولدىرمايتىنداي ارنايى اپپاراتتار مەن قۇرىلعىلاردىڭ كومەگىمەن سۇيەكتەگى سىنىقتاردى دۇرىس ورناتۋ مۇمكىندىگىن بەردى. جوعارى دەڭگەيدە ناقتى ورنىدالۋىن تالاپ ەتەتىندەي وسىنداي قيىن وپەراسيا جاساۋدان بۇرىن پاسيەنتتى توموگرافتىڭ كومەگىمەن مۇقيات تەكسەرىپ الۋى ءتيىس، ماماندار بۇدان حيرۋرگيالىق ەمدەۋ جوپارىن قۇرىپ، وڭتايلى ءادىسىن جانە قۇرالدار مەن فيكساتورلار جيىنتىعىن دۇرىستاڭداي الادى.
«حيرۋرگيالىق رەپوزيسيانىڭ بارلىق تۇرلەرى سەگمەنت وستەرىنىڭ قوزعالىسىنىڭ فۋنكسيونالدىق مۇمكىندىكتەرىن ساقتاپ قالادى. مانيپۋلياسيا بولسا سۇيەك وسكەنگە دەيىن زاقىمدانعان ۋچاسكەنى تۇراقتاندىرىپ بەكىتەدى»- دەدى ورتوپەديا بولىمشەسى مەڭگەرۋشىسىنىڭ م.ا سالامات تويىمبەتوۆا.
وپەراسيا ەكى ساعاتقا سوزىلدى. وتا ناتيجەسى وتە جاقسى ءوتتى. ەكىنشى كۇنى پاسيەنت اياعىنان تىك تۇرىپ، اربانىڭ كومەگىمەن جىلجي باستادى. 7-تاۋلىكتە پاسيەنتتىڭ وتىنىشىمەن اۋرۋحانادان شىقتى. پاسيەنتكە الداعى ۋاقىتتا دارىگەردىڭ نۇسقاۋىمەن بەلگىلەنگەن ءبىر مەرزىمدە وڭالتۋ كۋرسىنان ءوتىپ تۇرۋ قاجەت.