الماتى پوليسياسى ناشاقورلىقتى ناسيحاتتاعان سۋرەتشىلەردى ۇستادى.
جۇپتى تۇركسىب اۋدانىنىڭ پوليسيا قىزمەتكەرلەرى ەسىرتكى قىلمىسىنا قارسى كۇرەس باسقارماسىنداعى ارىپتەستەرىنىڭ كومەگىمەن ۇستادى، دەپ حابارلايدى Almaty-akshamy.kz.
«جەدەل ىزدەستىرۋ ءىس-شارالارى بارىسىندا عيماراتتاردىڭ قاسبەتتەرىنە ەسىرتكى جارناماسى بار گراففيتيدى سالىپ جاتقان جۇپ ۇستالدى. 34 جاستاعى قالا تۇرعىنى 29 جاستاعى سەرىگىمەن بىرگە ۇستالدى. ولاردان بوياۋعا ارنالعان باللوندار مەن ەسىرتكى ساتاتىن ورىنداردىڭ مەكەنجايلارىن جازۋعا ارنالعان ترافارەتتەر تابىلدى جانە تاركىلەندى. اتالعان دەرەك بويىنشا ق ر قك-نىڭ 299-بابى 1-بولىگى بويىنشا قىلمىستىق ءىس قوزعالدى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە»، – دەدى تۇركسىب اۋداندىق پوليسيا باسقارماسىنىڭ باستىعى ەركىن امانتايەۆ.