الماتىدا ءۇش جىگىت كۇش قولدانىپ، ستۋدەنت جىگىتتى توناپ كەتتى

ولار جابىرلەنۋشىنىڭ ۇيالى تەلەفونىن قولدى ەتكەن.

توناۋ دەرەگىن بوستاندىق اۋدانىنىڭ پوليسيا قىزمەتكەرلەرى انىقتادى، دەپ حابارلايدى Almaty-akshamy.kz Polisia.kz-rt سىلتەمە جاساپ. 

«قىلمىس ءتۇن جارىمىندا عابدۋللين مەن ماناس كوشەلەرىنىڭ قيىلىسىندا بولدى. ءۇش جاس جىگىت كۇش قولدانىپ، 19 جاستاعى ءجاسوسپىرىمنىڭ ۇيالى تەلەفونى مەن قۇلاققابىن ۇرلاپ كەتكەن. قىلمىستىق جوسپار ستۋدەنتتەردىڭ باسىنا اپ-ساتتە كەلدى. ولاردىڭ ارەكەتىن ەشكىم باقىلاپ تۇرماعانىنا كوز جەتكىزگەننەن كەيىن، جابىرلەنۋشىگە جۇگىرىپ بارىپ، قولىنان ۇيالى تەلەفون مەن قۇلاققاپتى جۇلىپ الىپ، قاشىپ كەتكەن. جەدەل ىزدەستىرۋ ءىس-شارالارىنىڭ بارىسىندا سول كۇنى 27 جاستاعى ج.ەسىمدى ازامات پەن 25 جاستاعى ب.ەسىمدى ازامات ۇستالدى. ءۇشىنشى قاتىسۋشى ءقازىر ىزدەۋدە، ءبىراق ونىڭ جەكە باسى انىقتالدى. اتالعان دەرەك بويىنشا ق ر قك-نىڭ 191-بابى 2-بولىگىنىڭ 1-تارماعىنا سايكەس قىلمىستىق ءىس تىركەلدى. ۇيالى تەلەفون مەن قۇلاققاپ تاركىلەنىپ، ايعاقتى زات رەتىندە ىسكە قوسىلدى»، – دەدى بوستاندىق اۋداندىق پب-نا قاراستى پوليسيا ءبولىمىنىڭ باستىعى عالىم قاسىمبايەۆ.

مامانداندىرىلعان اۋدانارالىق تەرگەۋ سوتى ايىپتالۋشىلارعا قاتىستى قاماۋ تۇرىندەگى بۇلتارتپاۋ شاراسىن سانكسيالادى. ولاردىڭ جەكە باسى باسقا دا قىلمىستارعا قاتىسى بار-جوعىنا تەكسەرىلىپ جاتىر.