«نازار اۋدارىڭىز! بالالار!» ءىس-شاراسى اياسىندا الماتى پوليسياسى قازاق جول قوزعالىسى قاۋىپسىزدىگى عىلىمي-زەرتتەۋ ينستيتۋتى جانە قازاق اۆتوموبيل-جول ينستيتۋتىنىڭ كومەگىمەن ناۋقان وتكىزۋدە، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ءىس-شارانىڭ ءبىرى الماتى قالاسى مەدەۋ اۋدانىنداعى №35 ورتا مەكتەپتە ءوتتى. ونىڭ قاتىسۋشىلارى بالالاردىڭ جول-كولىك جاراقاتى ماسەلەسىنە نازار اۋدارتۋ ءۇشىن فلەشموبقا قاتىستى. ايتا كەتۋ كەرەك، ءىس-شارالار جول قوزعالىسى قاۋىپسىزدىگىن قامتاماسىز ەتۋ جانە جول-كولىك وقيعالارى مەن ءولىم-جىتىم سانىن ازايتۋ ماقساتىندا جۇرگىزىلىپ جاتىر»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.
سونىمەن قاتار ول بۇل شارا جاياۋ جۇرگىنشىلەر اراسىندا كولىك ءتارتىبىن جاقسارتۋعا، جول-كولىك وقيعالارىنىڭ سانىن ازايتۋعا، سونداي-اق جول قوزعالىسى ەرەجەلەرىن بۇزۋدىڭ الدىن الۋعا باعىتتالعانىن اتاپ ءوتتى.
«ءبىز جول قوزعالىسى ەرەجەلەرىن جانە جولدا ءقاۋىپسىز ءجۇرىس-تۇرىس داعدىلارىن ءتۇسىندىرۋ بويىنشا رەيدتىك جانە پروفيلاكتيكالىق ءىس-شارالار وتكىزەمىز. جاس قاتىسۋشىلارعا شاعىلىستىراتىن بىلەزىكتەر بەرىلدى»، – دەدى ۇزابايەۆ.