2024 جىلدىڭ 7-11 ناۋرىز ارالىعىندا الماتى قالاسىنىڭ وقۋشىلارى كيپردىڭ نيكوسيا قالاسىندا وتكەن «FIRST Tech Challenge Cyprus 2024» حالىقارالىق روبوتوتەحنيكا چەمپيوناتىنا قاتىستى.تۋرنيرگە 18 جەرگىلىكتى جانە الەمنىڭ تۇكپىر-تۇكپىرىنەن 7 كوماندا قاتىستى.
چەمپيوناتقا قازاقستاننىڭ نامىسىن قورعاۋعا الماتى قالاسىنان «Sana team» كومانداسى اتتانعان بولاتىن. 10-11 سىنىپ وقۋشىلارىنان قۇرالعان بۇل كوماندالاردىڭ قۇرامىندا: ءبىلىم يننوۆاسيا ليسەيىنەن – تۇرسىنعالي ءادىل، داۋلەتقۇل ارنار، اكيپبەك وسمان، داۋلەت ۇلى الديار، سمايل دارىن، پاحريدين ابباس، ىبراي اسىلحان، اشيرالين يلياس جانە م.بازاربايەۆ اتىنداعى №138 گيمنازياسىنان – امانكەلدى شولپان بار. ناتيجەسىندە الماتىلىق وقۋشىلار «THINK AWARD» جانە «Winning Alliance AWARD» نوميناسيالارىن جەڭىپ، ءبىرىنشى ورىننان كورىندى.
«وقۋشىلار ويىنداردا جوعارى كاسىبيلىك تانىتىپ، ينجەنەرلىك دايىندىق ساپاسىمەن عانا ەمەس، سونىمەن قاتار تاماشا كوممۋنيكاتيۆتى داعدىلارىمەن جانە باسقا كوماندالارمەن ءوزارا ارەكەتتەسۋىمەن دە تورەشىلەردى تاڭ قالدىردى. ءبىزدىڭ بالالار 25 كوماندانىڭ ىشىندە جارقىراعان كيىمدەرىمەن، جالىنداعان كوزدەرىمەن عانا ەمەس، ماچتار كەزىندەگى كوشباسشىلىق ۇستانىمدارىمەن دە كوزگە ءتۇستى. ءبىز فاۆوريتتەردىڭ قاتارىندا بولدىق»، - دەيدى الماتى قالاسى ءبىلىم باسقارماسىنا قاراستى «الماتى دارىنى» ورتالىعىنىڭ ديرەكتورى گۇلنۇر كارىمعاجى.
كيپردە وتكەن سايىسقا جولدامانى قازاقستاننان بارعان وقۋشىلار وسى جىلدىڭ قاڭتار ايىندا USTEM Foundation قوعامدىق قورى ۇيىمداستىرعان وقۋ-اعارتۋ مينيسترلىگىنىڭ قولداۋىمەن وتكەن «Daryn FIRST Championship» رەسپۋبليكالىق تۋرنيرىندە ولجالادى.