قازاقستاننىڭ جۇپتىق سىنداعى ءبىرىنشى، الەمنىڭ 44-راكەتكاسى اننا دانيلينا چارلستون (اقش) چەللەندجەر ءتۋرنيرىنىڭ شيرەك فينالىنا شىقتى.
جارىستىڭ 3-راكەتكالارى بولىپ تىركەلگەن ا.دانيلينا – قىتايلىق چجان شۋاي باستاپقى كەزدەسۋىن برازيليالىق ينگريد گاماررا-مارتينس – بەلورۋسسيالىق ليديا موروزوۆامەن وتكىزدى، دەپ حابارلايدى اlmaty-akshamy.kz.
قازاقستاندىق-قىتايلىق جۇپ 7:6 (7:4)، 6:3 ەسەبىمەن جەڭىسكە جەتتى. ءبىر ساعات 17 مينۋتقا سوزىلعان باسەكە بارىسىندا ولار 4 ەيسپەن بىرگە 7 برەيك-پوينتتىڭ تورتەۋىن ءمۇلت جىبەرمەدى. قارسىلاس دۋەت 2 ەيس، 2 برەيكتەن (6 برەيك-پوينت) اسا العان جوق.
ا.دانيلينا – چ.شۋاي جارتىلاي فينالعا شىعۋ ءۇشىن امەريكالىقتار دالاينا حيۋيتت – ماريا ماتەاسپەن تالاسادى.