مەگاپوليستە كوشە جارىعىن قالپىنا كەلتىرۋ جۇمىستارى جالعاسۋدا. «الماتى قالا جارىق» قىزمەتكەرلەرى ءال-فارابي داڭعىلىنداعى ەسەنتاي وزەنىنىڭ كوپىر ماڭىنداعى كەڭىستىگىنە شامدار ورناتتى.
ەستەرىڭىزگە سالا كەتەيىك، كوپىردى قايتا جاڭارتۋ 2023 جىلى قالا اكىمى ەربولات دوسايەۆتىڭ تاپسىرماسى بويىنشا ۋچاسكە تەحنيكالىق ساراپتاما ناتيجەلەرى بويىنشا اپاتتى دەپ تانىلعاننان كەيىن باستالعان بولاتىن. سودان كەيىن ولار جولدىڭ ۇزىندىعىن كەڭەيتىپ، جول توسەمىن نىعايتتى، جاياۋ جۇرگىنشىلەر ءۇشىن ارنايى باسپالداقتار سالىندى.
جاعالاۋدا سەرۋەندەۋگە نيەت بىلدىرۋشىلەر قاتارى كوبەيگەن كەزدە اقج-عا سىرتقى جارىقتاندىرۋدى جاقسارتۋ بويىنشا وتىنىمدەر تۇسە باستادى. بيىل اقپان ايىندا «الماتى قالا جارىق» مكك بريگادالارى وزەننىڭ ەكى جاعىنان ەسەنتاي وزەنى ارقىلى وتەتىن كوپىردىڭ استىنا 10 پروجەكتور ورناتتى. بۇل بوستاندىق پەن مەدەۋ اۋداندارىنىڭ اۋماعى. سونداي-اق، 300 مەتر كابەل تارتىلدى.
«قالا بويىنشا جارىعى جوق ۋچاسكەلەردى «الماتى قالا جارىق» ينسپەكتورلارى اۋدانداردى ارالاۋ كەزىندە انىقتايدى. سونداي-اق مۇنداي ۋچاسكەلەر ازاماتتاردىڭ ءوتىنىشى مەن الەۋمەتتىك جەلىدەگى پوستتارىنىڭ مونيتورينگى ناتيجەسىندە انىقتالادى. كوشە جارىعىن قالپىنا كەلتىرۋ جۇمىستارى ءجۇرىپ جاتىر، بۇل پروسەسس كەزەڭ-كەزەڭىمەن جۇرگىزىلۋدە»، — دەدى «الماتى قالا جارىق» مكك باسشىسى يگور مىسيك.
سونداي-اق اقپان ايىندا ەسەنجانوۆ كوشەسىندە، «تەرەكتى» ىقشاماۋدانى مەن گەرسەن كوشەسىنە شامدار ورناتىلدى. بۇعان دەيىن وسى ۋچاسكەنىڭ تۇرعىندارى اللەيادا جارىقتىڭ جوقتىعىن ايتىپ، شاعىمداناتىن.
ەستەرىڭىزگە سالا كەتەيىك، مەگاپوليس تۇرعىندارى «الماتى قالا جارىق» مكك ديسپەچەرلىك پۋنكتىنە كوشە جارىعى بويىنشا ءوتىنىمدى: 8(727)3902040؛ 8(727)3902060، 8(771)718-24-39، 8(771)718-24-56 نومىرىنە حابارلاسۋ ارقىلى قالدىرا الادى.
بۇعان دەيىن حابارلانعانداي، الماتىدا كوشە جارىعى 2024 جىلى 85%-عا قالپىنا كەلتىرىلەدى. 2025 جىلى بۇل كورسەتكىشتى 100%-عا دەيىن جەتكىزۋ جوسپاردا بار.