الماتىلىق وقۋشىلار رەسپۋبليكالىق پرەزيدەنتتىك وليمپيادانىڭ جەڭىمپازى اتاندى

21-24 قاراشا ارالىعىندا قاراعاندى قالاسىندا جاراتىلىستانۋ-ماتەماتيكا باعىتىنداعى پاندەر بويىنشا رەسپۋبليكالىق حVءى پرەزيدەنتتىك وليمپيادا ءوتتى

زياتكەرلىك بايقاۋعا ەلىمىزدىڭ بارلىق ايماعىنان وڭىرلىك جانە ىرىكتەۋ تۋرلارىنىڭ ناتيجەسىندە ىرىكتەلگەن 199 وقۋشى قاتىستى. ولاردىڭ ىشىندە الماتى قالاسىنداعى  №178 مامانداندىرىلعان ليسەيدىڭ 11 سىنىپ وقۋشىلارى مارال مىرزابەكوۆا مەن ايگەرىم توقايەۆا دا بار، دەپ حابارلايدى اlmaty-akshamy.kz.   

بىلىمگەرلەرگە ماتەماتيكا، فيزيكا، حيميا جانە بيولوگيا پاندەرى بويىنشا تاپسىرمالار بەرىلدى. وليمپيادانىڭ نەگىزگى ماقساتى – ورتا ءبىلىم بەرۋ ۇيىمدارى وقۋشىلارىنىڭ ىشىنەن ماتەماتيكا، فيزيكا، حيميا، بيولوگيا پاندەرى بويىنشا دارىندى بالالاردى انىقتاۋ، ولاردىڭ ينتەللەكتۋالدى دامۋى مەن كاسىبي باعدار الۋى ءۇشىن جاعداي جاساۋ، وقۋشىلاردىڭ جاراتىلىستانۋ-ماتەماتيكالىق پاندەرگە قىزىعۋشىلىعىن ارتتىرۋ، تەوريالىق بىلىمدەرى مەن داعدىلارىن تەرەڭدەتۋ، جەكە تۇلعا رەتىندە قالىپتاسۋىنا جانە دامۋىنا ىقپال ەتۋ.
پرەزيدەنتتىك وليمپياداعا قاتىسۋشىلاردىڭ جۇمىسىن قازاقستاننىڭ جەتەكشى جوعارى وقۋ ورىندارىنىڭ حالىقارالىق وليمپيادالارىنىڭ جەڭىمپازدارى مەن جۇلدەگەرلەرى جانە PhD دوكتورلارى باعالادى. بايقاۋ قورىتىندىسى بويىنشا 2 وقۋشى  جوعارى وقۋ ورنىنىڭ گرانتىن يەلەنسە، 12 وقۋشى ق ر وقۋ-اعارتۋ مينيسترلىگىنىڭ ديپلومىمەن،  2 وقۋشى گراموتامەن ماراپاتتالدى.  ايتا كەتەيىك، الماتىلىق ەكى وقۋشى جۇزدەن جۇيرىك تانىلىپ،  مارال مىرزابەكوۆا ءى  دارەجەلى ديپلوم-التىن مەدالدى،  ايگەرىم توقايەۆا II دارەجەلى ديپلوم-كۇمىس مەدالدى جەڭىپ الدى.