الماتى قالاسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى زاڭعار شىندالى جالپىعا بىردەي دەكلاراسيانى ەنگىزۋدىڭ ماقساتى تۋرالى وكق الاڭىندا وتكەن بريفينگ بارىسىندا اتاپ ءوتتى، دەپ حابارلايدى almaty-akshamy.kz
جالپىعا بىردەي دەكلاراسيالاۋدى ەنگىزۋدىڭ ماقساتى - تابىستاردىڭ اشىقتىعىن قامتاماسىز ەتۋ، ەلەۋلى قارجى قاراجاتىن الۋ جانە سىبايلاس جەمقورلىق ەسەبىنەن كولەڭكەلى ەكونوميكاعا قارسى كۇرەس. تابىستاردىڭ اشىقتىعى بيۋدجەتكە قوسىمشا تۇسىمدەرگە الىپ كەلەدى، بۇل ءوز كەزەگىندە ەل ەكونوميكاسى مەن الەۋمەتتىك باعدارلامالاردى دامىتۋعا قوسىمشا قاراجات جۇمساۋعا مۇمكىندىك بەرەدى.
“جالپىعا بىردەي دەكلاراسيالاۋدى ەنگىزۋ بارلىق ەلدەردىڭ ەكونوميكاسىن دامىتۋدىڭ تابيعي باعىتى بولىپ تابىلادى. جالپىعا بىردەي دەكلاراسيالاۋدى تابىستى ەنگىزۋ ماقساتىندا قر-دا اقش، گەرمانيا، فرانسيا، شۆەسيا، فينليانديا، دانيا، سينگاپۋر، شۆەيساريا سياقتى الەمنىڭ كوپتەگەن دامىعان ەلدەرىندە قولدانىلاتىن پروگرەسسيۆتى حالىقارالىق تاجىريبە زەردەلەندى” - دەدى ز. شىندالي.
جالپىعا بىردەي دەكلاراسيالاۋ سالىق ەسەپتىلىگىنىڭ 2 نىسانىن ۇسىنۋدى كوزدەيدى:
• “اكتيۆتەر مەن مىندەتتەمەلەر تۋرالى دەكلاراسيا” (250.00-نىسان)
• “كىرىستەر مەن مۇلىك تۋرالى دەكلاراسيا” (270.00-نىسان).
جالپىعا بىردەي دەكلاراسيالاۋ جۇيەسىنە كىرگەن كەزدە 250.00 نىسانى بويىنشا دەكلاراسيا ۇسىنىلادى، ول - “كىرۋ” دەپ اتالاتىن دەكلاراسيا، ال كەلەسى جىلدارى 270.00 نىسانى بويىنشا جىل سايىنعى دەكلاراسيا ۇسىنىلادى.
اكتيۆتەر مەن مىندەتتەمەلەر تۋرالى دەكلاراسيادا تومەندەگىدەي مالىمەتتەر كورسەتىلەدى:
1. قازاقستان رەسپۋبليكاسىنان تىس جەرلەردەگى مۇلىكتەر:
• جىلجىمايتىن مۇلىك، جەر ۋچاسكەلەرى، جەر ۇلەستەرى، اۋە جانە تەڭىز كەمەلەرى، ىشكى سۋدا ءجۇزۋ كەمەلەرى، "وزەن-تەڭىز" ءجۇزۋ كەمەلەرى؛
• كولىك قۇرالدارى، ارنايى تەحنيكا جانە تىركەمەلەر؛
• بارلىق بانكتىك سالىمدار بويىنشا اەك مولشەرىنەن 1000 ەسە اساتىن سوماداعى شەتەلدىك بانكتەردەگى بانكتىك شوتتارداعى اقشا؛
• زاڭدى تۇلعانىڭ جارعىلىق كاپيتالىنا قاتىسۋ ۇلەسى.
2. قازاقستان رەسپۋبليكاسىندا دا، ودان تىس جەرلەردە دە مۇلىك:
• تۇرعىن ءۇي قۇرىلىسىنا ۇلەستىك قاتىسۋ تۋرالى شارت بويىنشا تۇرعىن عيماراتتاعى ۇلەسى؛
• باعالى قاعازدار، تۋىندى قارجى قۇرالدارى؛
• ينۆەستيسيالىق التىن؛
• زياتكەرلىك مەنشىك، اۆتورلىق قۇقىق وبەكتىلەرى؛
• اەك مولشەرىنىڭ 10 000 ەسەلەنگەن شەگىنەن اسپايتىن سومادا كورسەتىلەتىن قولما-قول اقشا؛
• بانكتەرگە بەرەشەكتى (كرەديتتەر، دەپوزيتتەر، كارتوچكالىق شوتتار) قوسپاعاندا، مىندەتتەمەنىڭ نەمەسە تالاپتىڭ تۋىنداۋىنا نەگىز بولىپ تابىلاتىن نوتاريات كۋالاندىرعان (كۋالاندىرىلعان) شارت نەمەسە وزگە قۇجات بولعان كەزدە جەكە تۇلعا الدىنداعى باسقا تۇلعالاردىڭ بەرەشەگى (دەبيتورلىق بەرەشەك) جانە جەكە تۇلعانىڭ باسقا تۇلعالار الدىنداعى بەرەشەگى (كرەديتورلىق بەرەشەك) ؛
• جەكە تۇلعانىڭ قالاۋى بويىنشا باعاسى 1000 ەسەلەنگەن اەك-تەن (انتيكۆارلىق زاتتار، قىمبات كارتينالار جانە ت.ب.) اساتىن باسقا مۇلىك كورسەتىلۋى مۇمكىن. باعالاۋدى تاۋەلسىز باعالاۋشىدان جاساۋعا بولادى.