جالپىعا بىردەي دەكلاراسيالاۋدىڭ ءۇشىنشى كەزەڭىندە 370 مىڭنان استام الماتىلىق دەكلاراسيالانۋعا جاتادى
2021 جىلدان باستاپ قازاقستان ازاماتتارىنىڭ جالپىعا بىردەي دەكلاراسيالاۋ جۇيەسىنە كەزەڭ-كەزەڭىمەن كىرۋى جۇرگىزىلۋدە. دەكلاراسيالاۋدىڭ كەلەسى كەزەڭدەرى كىمدى قامتىپ وتەتىنىن وكق بريفينگىندە الماتى قالاسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى زاڭعار شىندالى اتاپ ءوتتى، دەپ حابارلايدى almaty-akshamy.kz
مەملەكەتتىك ورگاننىڭ اقپاراتى سايكەس، جالپىعا بىردەي دەكلاراسيالاۋدىڭ ءبىرىنشى كەزەڭىندە الماتى قالاسىندا 46 مىڭنان استام جەكە تۇلعا، ياعني مەملەكەتتىك قىزمەتشىلەر، ولارعا تەڭەستىرىلگەن ادامدار مەن ولاردىڭ جۇبايلارى دەكلاراسيا تاپسىردى.
ەكىنشى كەزەڭ 2023 جىلى باستالدى جانە جالپىعا بىردەي دەكلاراسيالاۋ جۇيەسىنە كۆازيمەملەكەتتىك سەكتور، مادەنيەت قىزمەتكەرلەرى، مۇعالىمدەر، دارىگەرلەر، سپورتشىلار جانە ولاردىڭ جۇبايلارى كىردى. الماتى قالاسى بويىنشا دەكلاراسيانى 142 مىڭنان استام تۇلعا تاپسىردى.
جالپىعا بىردەي دەكلاراسيالاۋدىڭ ءۇشىنشى كەزەڭىندە ياعني 2024 جىلعى 1 قاڭتاردان باستاپ دەكلاراسيانى ۇسىنۋ بويىنشا مىندەتتەمەلەر بيزنەس وكىلدەرى مەن ولاردىڭ جۇبايلارىندا، زاڭدى تۇلعالاردىڭ باسشىلارىندا، قۇرىلتايشىلارىندا (قاتىسۋشىلارىندا)، جەكە كاسىپكەرلەردە تۋىندايدى.
“بۇل رەتتە، بۇل مىندەت "ارەكەتسىز" مارتەبەسى بار جەكە كاسىپكەرلەرگە جانە ج ش س باسشىلارىنا (قۇرىلتايشىلارىنا) دا قاتىستى بولادى. ياعني، قولدانىستاعى نەمەسە ارەكەتسىزدىگىنە قاراماستان، 2024 جىلدىڭ 1 قاڭتارىنداعى جاعداي بويىنشا ق ر قارجى مينيسترلىگىنىڭ مەملەكەتتىك كىرىستەر كوميتەتى بازاسىندا تىركەلگەن بارلىق جك جانە زاڭدى تۇلعا دەكلاراسيالانۋعا جاتادى”، - دەپ اتاپ ءوتتى ز. شىندالي.
وسىلايشا، الماتى قالاسىندا ەرلى-زايىپتىلاردى ەسەپتەمەگەندە 3ء-شى كەزەڭدە دەكلاراسيالاناتىن تۇلعالار سانى 378 مىڭ بولماق.
سوڭعى 4 كەزەڭ، 2025 جىلعى 1 قاڭتاردان باستاپ-جالپىعا بىردەي دەكلاراسيالاۋ جۇيەسىنە تولىق كىرۋ، ياعني كامەلەتكە تولماعانداردى قوسپاعاندا، رەسپۋبليكانىڭ بارلىق ازاماتتارى دەكلاراسيا تاپسىرۋعا مىندەتتى بولادى. ءبىراق كامەلەتكە تولماعان ادامدار:
- مەنشىك قۇقىعىندا قازاقستان رەسپۋبليكاسىنان تىس جەرلەردەگى مۇلىك بولسا؛
- قۇرىلىسقا ۇلەستىك قاتىسۋ تۋرالى شارت بويىنشا، ونىڭ ىشىندە قازاقستان رەسپۋبليكاسىنان تىس جەرلەردە جىلجىمايتىن مۇلىك قۇرىلىسىندا ۇلەس بولسا؛
- قازاقستان رەسپۋبليكاسىنان تىس جەرلەردەگى شەتەلدىك بانكتەردەگى بانكتىك شوتتاردا بارلىق بانكتىك سالىمدار بويىنشا ايلىق ەسەپتىك كورسەتكىشتىڭ مىڭ ەسەلەنگەن مولشەرىنەن جيىنتىق اساتىن اقشا سوماسى بار بولعان جاعدايدا دەكلاراسيالانۋعا جاتادى.