9 قىركۇيەك «توعىزقۇمالاق كۇنىنە» وراي 2000 استام الماتىلىق جوعارى سىنىپ وقۋشىلارى ءبىر مەزەتتە توعىزقۇمالاق ويناپ، قازاقستاننىڭ گيننەس رەكوردتار كىتابىنا ەندى.
اتالعان ءىس-شارانى الماتى قالاسى اكىمدىگىنىڭ قولداۋىمەن الماتى قالاسىنىڭ توعىزقۇمالاق زياتكەرلىك قاۋىمداستىعى ۇيىمداستىردى، دەپ حابارلايدى Almaty-akshamy.kz
الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا ويىندى سالتاناتتى تۇردە باستاپ بەردى. سونىمەن قاتار، الماتى قالاسى توعىزقۇمالاق زياتكەرلىك ويىنىنىڭ ورداسى بولىپ تاڭدالدى. مۇنى دۇنيەجۇزىلىك جانە رەسپۋبليكالىق توعىزقۇمالاق فەدەراسياسىنىڭ پرەزيدەنتى ءاليحان بايمەنوۆ حابارلادى.
2020 جىلى توعىزقۇمالاق يۋنەسكو شەشىمىمەن ادامزاتتىڭ مادەني مۇرا تىزىمىنە ەنگىزىلدى.