جول جابىنى جاعدايىن زەرتتەۋ قورىتىندىلارىنا سايكەس بيىلعى جوسپارعا شالياپين كوشەسىنىڭ بەرەگوۆوي كوشەسىنەن ءاشىموۆ كوشەسىنە دەيىنگى ۇزىندىعى 4 شاقىرىم بولىگىن قوسۋ تۋرالى شەشىم قابىلدانعان بولاتىن. ءاشىموۆ كوشەسىنەن مومىش ۇلى كوشەسىنە دەيىنگى جوندەۋ جۇمىستارى اياقتالدى جانە كولىك قوزعالىسى تولىعىمەن اشىلدى.
9 قىركۇيەك ساع.23:00-دەن 10 قىركۇيەك 06:00-گە دەيىن جول جابىنىنا ورتاشا جوندەۋ جۇمىستارىنىڭ جۇرگىزىلۋىنە بايلانىستى شالياپين كوشەسىنىڭ بويىمەن مومىش ۇلى كوشەسىنەن ياسساۋي كوشەسىنە دەيىنگى بولىگىندە كولىك قوزعالىسى تولىعىمەن جابىلادى.
جابىق ۋچاسكەنى ءاشىموۆ كوشەسى، اباي داڭعىلى، ياسساۋي كوشەسى، مومىش ۇلى كوشەسى جانە ىرگەلەس كوشەلەر ارقىلى اينالىپ وتۋگە بولادى.
جول-كولىك وقيعالارىن بولدىرماۋ جانە جول قوزعالىسىن ۇيىمداستىرۋ ءۇشىن جوعارىدا اتالعان كوشە ۋچاسكەسىندە پاترۋلدىك پوليسيا پولكىنىڭ 2 ەكيپاجى جۇمىلدىرىلاتىن بولادى.
جول جوندەۋ جۇمىستارى جايلى سوڭعى جاڭالىقتار قالا اكىمدىگى مەن قالالىق موبيلدىلىك باسقارماسىنىڭ رەسمي پاراقشالارىندا، الماتى جول تەلەگرام ارناسىندا (https://t.me/AlmatyJoly)، سونىمەن قاتار، 2گيس جانە ياندەكس كارتا قوسىمشالارىندا قولجەتىمدى.
جول جوندەۋ جۇمىستارى 2023 جىلعا جوسپارلانعان جۇمىستار اياسىندا جۇرگىزىلىپ وتىر.
ۋاقىتشا قولايسىزدىقتار ءۇشىن كەشىرىم وتىنەمىز. بۇل قالا جولدارى ۇزاعىراق پايدالانۋعا قاجەتتى شارا.
مارشرۋتتى الدىن الا جوسپارلاپ الىڭىزدار.