شتاتتىق فورماتتا وقۋعا رۇقسات ەتىلەدى.
الماتى قالاسى باس سانيتارلىق دارىگەرىنىڭ مىندەتىن اتقارۋشى ءسادۋاقاس بايعابىلوۆتىڭ جاڭا قاۋلىسى شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قۇجاتقا سايكەس، دۇيسەنبى، 14 اقپاننان، باستاپ مەكتەپ وقۋشىلارى، كوللەدج جانە ۋنيۆەرسيتەت ستۋدەنتتەرى وفلاين فورماتتا وقيدى.
«بارلىق مەنشىك نىسانىنداعى جانە ۆەدومستۆولىق باعىنىستاعى ءبىلىم بەرۋ ۇيىمدارىنا شتاتتىق فورماتتا وقۋعا رۇقسات ەتىلەدى»، - دەلىنگەن قاۋلىدا.
بۇعان دەيىن ق ر پرەمەر-مينيسترىنىڭ ورىنباسارى ەرالى توعجانوۆ ۇكىمەتتىڭ كەڭەيتىلگەن وتىرىسىندا بارلىق مەكتەپتەردە وقۋ وفلاين رەجيمگە اۋىساتىنى تۋرالى ايتقان بولاتىن.