ول 10 جىل بويى الماتى اكىمدىگىندە ۇزدىكسىز جۇمىس ىستەگەن.
الماتى قالاسى اكىمىنىڭ ورىنباسارى ماقسات قيقىموۆ قىزمەتىنەن كەتتى. بۇل تۋرالى ول ءوزىنىڭ Instagram پاراقشاسىنا جازدى، دەپ حابارلايدى Almaty-akshamy.kz.
«بۇگىن - مەنىڭ الماتى قالاسى اكىمىنىڭ ورىنباسارى لاۋازىمىنداعى سوڭعى كۇنىم. 10 جىل بويى وڭتۇستىك استانا اكىمدىگىندە ۇزدىكسىز جۇمىس ىستەدىم. بۇل ۋاقىت ىشىندە ءبىز سىزدەرمەن بىرگە قالامىزدىڭ يگىلىگى ءۇشىن كوپ نارسە جاساي الدىق. قولداۋ مەن كەرى بايلانىس ءۇشىن ءارقايسىڭىزعا راحمەت! سىندارلى سىن مەن كەرەمەت قالانى قۇرۋ جونىندەگى باعىتتى قولداۋدىڭ ارقاسىندا الماتى تۇبەگەيلى وزگەردى. بۇل الماتىلىقتاردىڭ قالانىڭ ناعىز يەلەرى جانە ول ءۇشىن شىن جۇرەكتەن قۋاناتىنىن بىلدىرەدى»، - دەپ جازدى ماقسات قيقىموۆ.
ول سونداي-اق قالانىڭ ەكس-اكىمى باقىتجان ساعىنتايەۆقا پەن ارىپتەستەرىنە، قوعامدىق ۇيىم وكىلدەرىنە العىسىن جەتكىزدى.
«باقىتجان ساعىنتايەۆقا، بارلىق ارىپتەستەرىمە، اكىمدىك قىزمەتكەرلەرىنە، ءماسليحات دەپۋتاتتارىنا، قوعامدىق كەڭەسكە، قوعامدىق ۇيىمدارعا، كوممۋنالدىق كاسىپورىندار مەن مەكەمەلەرگە العىسىمدى بىلدىرەمىن. ءبىز بىرگە بارلىق وزەكتى ماسەلەلەردىڭ تۇبىنە جەتۋگە جانە ولاردى ورتاق كۇش-جىگەرمەن شەشۋگە تىرىستىق. سىزدەرگە قالا تاعدىرىنا بەيجاي قاراماعاندارىڭىز ءۇشىن جانە قىزىقتى دا ۇمىتىلماس 10 جىل ءۇشىن راحمەت»، - دەدى ول.
سونىمەن قاتار، ماقسات قيقىموۆ الماتى قالاسى ءوزىنىڭ تۋىپ-وسكەن، وقىعان، ۇيلەنگەن، اكە اتانعان قالا ەكەنىنە توقتالدى.
«مەن مۇندا ومىرگە كەلدىم، وقىدىم، ۇيلەندىم جانە ءۇش بالانىڭ اكەسى اتاندىم. قالامىزدى شىن جۇرەكتەن جاقسى كورەمىن. ول مەن ءۇشىن ەرەكشە قالا، مۇندا جارقىن، سەرپىندى، جاڭا رەالييلارعا تەز بەيىمدەلەتىن وزىندىك ءومىر ىرعاعى بار»، - دەپ جازدى ول.
ەسكە سالساق، ماقسات قيقىموۆ 2020 جىلدىڭ اقپان ايىندا الماتى قالاسى اكىمىنىڭ ورىنباسارى لاۋازىمىنا تاعايىندالعان بولاتىن.
پوسموترەت ەتۋ پۋبليكاسيۋ ۆ Instagram