ەلىمىزدە سۋدى سۋىق پلازمامەن تازالاۋ تەحنولوگياسى سىناقتان وتەدى

بۇل ءادىس تىرشىلىك نارىندەگى ميكروپلاستيك قالدىقتارى مەن باسقا دا لاستاۋشى زاتتاردى ءبولىپ الۋعا مۇمكىندىك بەرەدى.

ەلىمىزدە سۋ تاپشىلىعىمەن قاتار لاستانۋى دا وزەكتى. قانىش ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ عالىمدارى وسى باعىتتا العاشقى تاجىريبەنى جۇرگىزۋگە دايىن. ءقازىر ماماندار قۇرامىندا كرەمنييى بار ەلەمەنتتەردى تەكسەرۋ ۇستىندە، دەپ حابارلايدى Almaty-akshamy.kz 24.kz-كە سىلتەمە جاساپ. 

وزگە دە بولشەكتەر انىقتالادى. بۇل سىڭىرگىشتەر كەيىن سۋدى سوڭعى تازالاۋ كەزەڭىندە پايدالانىلادى. ال وعان دەيىن عالىمدار ەلەكتر رازريادىنان پايدا بولاتىن ۇشقىننىڭ كومەگىمەن سۋ قۇيىلعان رەاكتوردا سۋىق پلازما اعىنىن جاسايدى. ول كولەمى 5 ميلليمەتردەن اسپايتىن ميكروپلاستيكتەردى ىدىراتادى.

«ارنايى رەاكتوردا ارنايى كونتەينەر بولادى. سول جەردەن سۋ وتكەن كەزدە ءبىز سۋىق پلازمانى 300، 400 گرادۋس كولەمىندە قىزدىرىلادى. ياعني، وسى ميكروبولشەكتەردى نانوبولشەكتەرگە دەيىن ىدىراتىپ، سول پلازمانىڭ كومەگىمەن ەڭ سوڭىندا سول وتكەن سۋدى جاڭاعى كومىرتەكتى سوربەنتتەردىڭ كومەگىمەن سوربسيالاپ الامىز. ال بىلايعى جاعدايدا ونى كەز كەلگەن تەحنولوگيا كومەگىمەن ءسۇزىپ الۋ نەمەسە باسقاشا جاساۋ وتە قيىن»، - دەيدى ساتبايەۆ ۋنيۆەرسيتەتى ينجەنەرلىك بەيىندى زەرتحاناسىنىڭ جەتەكشىسى سەيىتحان ازات ۇلى.