كەڭەسكە ۋاكىلەتتى مەملەكەتتىك ورگاندار مەن ۇلتتىق بانك وكىلدەرى قاتىستى.
بۇگىن قازاقستان رەسپۋبليكاسى پرەمەر-مينيسترىنىڭ ورىنباسارى ەرالى توعجانوۆتىڭ توراعالىعىمەن ويىن بيزنەسى مەن لوتەرەيا قىزمەتىن رەتتەۋ ماسەلەلەرى جونىندە كەڭەس ءوتتى، دەپ حابارلايدى Almaty-akshamy.kz
كەڭەسكە ۋاكىلەتتى مەملەكەتتىك ورگاندار مەن ۇلتتىق بانك وكىلدەرى قاتىستى. مادەنيەت جانە سپورت ۆيسە-مينيسترى ەرجان ەركىنبايەۆ مولشەرلەمەلەردى ەسەپكە الۋ ورتالىعىن قۇرۋ، ونلاين-كازينولارعا قارسى ءىس-قيمىل بويىنشا زاڭنامالىق تۇزەتۋلەردى قابىلداۋ، ويىن باعىتىنداعى ينتەرنەت-سايتتاردى بۇعاتتاۋ، لوتەرەيا بيزنەسىن رەتتەۋ ماسەلەلەرى بويىنشا تاپسىرمالاردىڭ ورىندالۋ بارىسى تۋرالى باياندادى.
ۆيسە-پرەمەر ونلاين-كازينو سايتتارىنىڭ قول جەتىمدىلىگى مەن كەڭىنەن تارالۋى حالىقتىڭ قۇمار ويىندارعا تارتىلۋىنىڭ نەگىزگى سەبەپتەرى ەكەندىگىن اتاپ ءوتتى. مەملەكەتتىك ورگانداردا مۇنداي سايتتاردىڭ سانى، قۇمار ويىندارعا تاۋەلدى ادامدار جانە ازاماتتاردىڭ ونلاين كازينوعا جۇمساعان قاراجاتىنىڭ كولەمى تۋرالى دەرەكتەر جوق.
ە.توعجانوۆ مولشەرلەمەلەردى ەسەپكە الۋ ورتالىعىنىڭ مادەنيەت جانە سپورت مينيسترلىگى بازاسىندا قۇرىلۋى ءتيىس ەكەنىن اتاپ ءوتتى. كەڭەستى قورىتىندىلاي كەللە، ەرالى توعجانوۆ مەملەكەتتىك ورگاندارعا ءبىرقاتار ناقتى تاپسىرمالار بەردى. اتاپ ايتقاندا:
️ زاڭسىز ويىن بيزنەسىنە قارسى ءىس-قيمىل جانە ازاماتتاردىڭ قۇمار ويىندارعا تارتىلۋ دەڭگەيىن تومەندەتۋ بويىنشا بىرلەسكەن ءىس-قيمىل جوسپارىن ازىرلەۋ؛
️ قۇمار ويىنداردىڭ زيانى تۋرالى الەۋمەتتىك روليكتەر جاساۋ جانە ناسيحاتتاۋ؛
️ قوعام وكىلدەرىن تارتا وتىرىپ، زاڭسىز ويىن ورىندارىن انىقتاۋ بويىنشا رەيدتەر وتكىزۋ؛
️ ينتەرنەت-كازينونى ۇيىمداستىرۋ قىزمەتىن جۇزەگە اسىراتىن تۇلعالاردىڭ ءتىزىمىن بەلگىلەۋ؛
️ بانكتەر مەن تولەم جۇيەلەرىنە وسى تۇلعالاردىڭ پايداسىنا قارجى وپەراسيالارىن جۇرگىزۋگە تىيىم سالۋدى بەلگىلەۋ؛
️ نەسيە كارتالارىنىڭ كومەگىمەن كازينولاردا، ويىن اۆتوماتتارى زالدارىندا، بۋكمەكەرلىك كەڭسەلەردە جانە توتاليزاتورلاردا تولەمدەردى جۇزەگە اسىرۋعا نەمەسە شوتتاردى تولىقتىرۋعا تىيىم سالۋ؛
️ ينتەرنەت-كازينونى ۇيىمداستىرعانى ءۇشىن جاۋاپكەرشىلىك بەلگىلەۋ؛
️ قۇمار ويىندارعا تاۋەلدى ازاماتتاردى، ونىڭ ىشىندە بالالاردى انىقتاۋ جانە وڭالتۋ جۇيەسىن ازىرلەۋ.