«نەوناتالدى قارقىندى تەراپياداعى وزەكتى ماسەلەلەر» تاقىرىبىندا 5 كۇندىك حالىقارالىق كلاستاعى سيمۋلياسيالىق ترەنينگ اياقتالدى.
حالىقارالىق ترەنينگ پەريناتولوگيا جانە بالالار كارديوحيرۋرگياسى ورتالىعىندا ءوتتى، دەپ حابارلايدى Almaty-akshamy.kz.
ءىس-شاراعا قالاداعى بارلىق پەرزەنتحانالاردىڭ، پەريناتالدىق ورتالىقتاردىڭ، اكۋشەرلىك جانە گينەكولوگيا عىلىمي ورتالىعىنىڭ بالالار رەانيماتولوگتارى مەن انەستەزيولوگتارى، نەوناتولوگتارى، سونداي-اق بالالار اۋرۋحانالارىنىڭ قىزمەتكەرلەرى قاتىستى.
ترەنينگ اياسىندا كوپتەگەن ماسەلەلەر تالقىلاندى. مىسالعا الساق: وكپەنىڭ ينۆازيالىق جەلدەتىلۋى نەگىزدەرى، تىنىس الۋ مەحانيكاسى، گاز الماسۋدىڭ پاتوفيزيولوگياسى، رەسپيراتورلىق قامتاماسىز ەتۋ ادىستەرى مەن رەجيمدەرىنىڭ جىكتەلىمى، adaptive، set-point تارگەتتەۋ ادىسىمەن باسقارىلاتىن قىسىممەن وكپەنى جەلدەتۋ، ءينۆازيۆتى ەمەس رەسپيراتورلىق قولداۋدى قامتاماسىز ەتۋ جانە مونيتورينگ، نەوناتولوگياداعى ءارتۇرلى پاتولوگيالار كەزىندەگى ءينۆازيۆتى رەسپيراتورلىق قولداۋدىڭ ەرەكشەلىكتەرى جانە وزگە دە ماسەلەلەر.
باس دارىگەردىڭ نەوناتولوگيا بويىنشا ورىنباسارى ەلەنا پلۋجنيكوۆا اتاپ وتكەندەي، بۇل وقىتۋ وتە ءتيىمدى، ويتكەنى تەوريا پراكتيكامەن ۇشتاستى.
«بارلىق 5 كۇن بويى ءبىر جاعىنان جاڭا تۋىلعان، اسىرەسە ەكسترەمالدى دەنە سالماعىنداعى نارەستەلەردەگى وكپەنىڭ جاساندى جەلدەتىلۋى سالاسىنداعى الدىڭعى قاتارلى حالىقارالىق زەرتتەۋلەردىڭ ماتەريالدارىن پايدالانا وتىرىپ، تەوريا جۇرگىزىلدى. بۇل تاقىرىپ بويىنشا وتە كەڭ، كولەمدى ماتەريال ۇسىنىلدى، ەكىنشى جاعىنان، پراكتيكالىق ترەنينگتەر كۇن سايىن وتكىزىلدى، ياعني اپپاراتۋرا ناقتى جۇمىس رەجيمىندە شىنىمەن قولدانىلدى، ونىڭ اياسىندا تاجىريبەدەگى ءارتۇرلى رەجيمدەردى تەكسەرۋگە بولادى. بۇل بىزگە اسىرەسە جاڭا تۋعان نارەستەلەرگە ارنالعان نەوناتولوگيا سالاسىندا قولدانىلاتىن زاماناۋي تەحنيكادا، زاماناۋي ءوجج اپپاراتتاردىڭ مۇمكىندىكتەرىن تەرەڭىرەك تۇسىنۋگە مۇمكىندىك بەردى. راسىندا، تەحنيكا جەتىلۋدە جانە زامان اعىمىنا ىلەسە ءجۇرۋ كەرەك. جوعارى كلاستاعى اپپاراتۋرا كەلگەن كەزدە، نەگىزگى رەجيمدەر مەن باپتاۋلاردان باسقا، پاسيەنتتى وعان ارنالعان جەكە رەجيمدە جۇرگىزۋگە، وسى ناقتى پاسيەنت ءۇشىن ەڭ قولايلى پارامەترلەردى تاڭداۋ مۇمكىندىگى بولادى - بۇل وتە ماڭىزدى جانە وسى وقۋ بىزگە وسىنى بەردى. ياعني، ءبىز زاماناۋي تەحنيكامىزدىڭ مۇمكىندىكتەرىن كەڭىرەك جانە تەرەڭىرەك پايدالانا الامىز، جەكە پاسيەنتتەردەگى ءارتۇرلى پاتولوگيالىق جاعدايلاردى ەسكەرە وتىرىپ، پارامەترلەردى رەتتەي الامىز. كەيىننەن بۇل، ارينە، نارەستەلەرگە كۇتىم جاساۋ ساپاسىنا اسەر ەتەدى، ءتىپتى نارەستەلەردىڭ وكپەنى جاساندى جەلدەتۋ اپپاراتىنداعى كۇندەرىن ايتارلىقتاي ازايتادى. ال بۇل وتە ماڭىزدى، بالا اپپاراتتا قانشالىقتى از جاتسا، سوعۇرلىم تەزىرەك بەيىمدەلىپ، وزدىگىنەن تىنىس الۋعا اۋىسا الادى، بۇل بولاشاقتا ونىڭ دەنساۋلىعىنا الدەقايدا جاقسى بولجام جاساۋعا ىقپال ەتەدى»، - دەپ اتاپ ءوتتى دارىگەر.