«رايىمبەك باتىر» ستانسياسىندا مەتروپوليتەننىڭ زاماناۋي قاۋىپسىزدىك ستاندارتتارىنا سايكەس كەلەتىن جاڭا ۋاقىتشا قورشاۋلار ورناتىلدى.
ولار ەكى نەگىزگى قىزمەت اتقارادى: جولاۋشىلار ءۇشىن قورعانىس قۇرالى بولىپ تابىلادى جانە جارنامالىق قۇرىلىم رەتىندە پايدالانىلادى، دەپ حابارلايدى aqshamnews.kz.
قازىرگى ۋاقىتتا بۇل قورشاۋلاردىڭ جەل جۇكتەمەسىنە توزىمدىلىگى تەكسەرىلۋدە. بارلىق قاجەتتى سىناقتاردان وتكەننەن كەيىن وسىنداي قورشاۋلار مەترونىڭ باسقا ستانسيالارىندا دا ورناتىلاتىن بولادى. سونىمەن قاتار، مەتروپوليتەن وكىلدەرى بۇرىن ورناتىلعان تەمىر قورشاۋلاردىڭ دا تەكسەرىلىپ جاتقانىن، قاجەت بولعان جاعدايدا ولاردىڭ الىناتىنىن اتاپ ءوتتى.
«الماتى مەتروپوليتەنى جولاۋشىلاردىڭ جايلىلىعى ءۇشىن ينفراقۇرىلىمدى جەتىلدىرۋگە ءاردايىم ۇمتىلادى. بۇل شەشىم اۆتوماتتاندىرىلعان پلاتفورمالىق ەسىكتەر (screen doors) ورناتىلعانعا دەيىنگى ۋاقىتشا شارا بولىپ تابىلادى. بارلىق جۇمىستار كاسىپورىننىڭ ءوز قاراجاتى ەسەبىنەن، بيۋدجەت قاراجاتىن تارتپاي جۇرگىزىلۋدە»، – دەپ حابارلادى مەتروپوليتەننىڭ باسپا ءسوز قىزمەتى.
ايتا كەتەيىك، ۋاقىتشا قورشاۋلار ۆاگوندار اراسىنداعى كەڭىستىكتى جابۋعا ارنالعان جانە جولاۋشىلاردىڭ قاۋىپسىزدىگىن ارتتىرۋعا باعىتتالعان ۋاقىتشا شەشىم بولىپ تابىلادى. اۆتوماتتاندىرىلعان پلاتفورمالىق ەسىكتەردى (screen doors) ورناتۋ پروسەسى كوپ ۋاقىتتى قاجەت ەتەدى، ويتكەنى جوبالاۋ، تەحنيكالىق-ەكونوميكالىق نەگىزدەمە دايىنداۋ، قارجىلاندىرۋ جانە مەملەكەتتىك ساتىپ الۋ راسىمدەرىن وتكىزۋ قاجەت. وسىعان بايلانىستى، جولاۋشىلاردىڭ قاۋىپسىزدىگىن قامتاماسىز ەتۋ ماقساتىندا ۋاقىتشا قورشاۋلار ورناتىلۋدا.