قاڭتار ايىندا ەلەكتروندىق ەڭبەك بيرجاسىندا جۇمىس بەرۋشىلەر مەن ىزدەنۋشىلەردىڭ بەلسەندىلىگى ءارتۇرلى بولدى: ەگەر بوس ورىندار سانى وتكەن جىلدىڭ جەلتوقسان ايىمەن سالىستىرعاندا 5،2%-عا قىسقارىپ، 98،9 مىڭ بىرلىكتى قۇراسا، ال تۇيىندەمەلەر سانى 2،5 ەسە، ياعني 191،9 مىڭ بىرلىككە دەيىن ۇلعايدى.
ەڭ كوپ بوس جۇمىس ورىنداردى ءبىلىم بەرۋ (36،8 مىڭ)، باسقا دا قىزمەت تۇرلەرى (11،5 مىڭ) جانە دەنساۋلىق ساقتاۋ (11،1 مىڭ) كاسىپورىندارى ورنالاستىردى، دەپ حابارلايدى aqshamnews.kz.
بۇل رەتتە قاڭتار ايىندا جوعارى بىلىكتى كادرلارعا سۇرانىس كۇرت ءوستى – جۇمىس بەرۋشىلەر جەلتوقسانعا قاراعاندا 16 مىڭ بوس ورىنعا (+70%) كوبىرەك ورنالاستىردى. بىلىكتىلىگى جوق جۇمىسشىلاردىڭ ەڭبەگىنە سۇرانىس 45،7 مىڭنان 18،8 مىڭ بوس ورىنعا دەيىنقىسقارىپ، ەكى ەسەدەن استام تومەندەدى.
سونىمەن قاتار ۇسىنىس تاراپىنان تۇيىندەمە سانىنىڭ ءوسۋىن بارلىق بىلىكتىلىك توپتارى كورسەتەدى، ال بىلىكتىلىگى جوق جۇمىسشىلار جەلتوقسانعا قاراعاندا 60،4 مىڭ تۇيىندەمەنى (+338%) كوبىرەك ورنالاستىردى.
جەلتوقسان ايىمەن سالىستىرعاندا بوس جۇمىس ورىندارىنىڭ وڭ سالدوسى 11 وڭىردە بايقالادى. جۇمىسكەرلەرگە سۇرانىستىڭ ەڭ كوپ ءوسۋى شىمكەنت قالاسىندا (2،6 مىڭ بوس ورىنعا نەمەسە +86%)، اقمولا (1،5 مىڭعا نەمەسە +50%) جانە باتىس قازاقستان (1،5 مىڭعا نەمەسە +46%) وبلىستارىندا تىركەلدى. سۇرانىستىڭ ەڭ كوپ تومەندەۋى تۇركىستان (11،2 مىڭ بوس ورىنعا نەمەسە -63%)، اقتوبە (-2،3 مىڭ، نەمەسە -36%) جانە جامبىل (-1،7 مىڭ، نەمەسە -30%) وبلىستارىندا بولدى.
قاڭتار ايىنداعى ەڭبەك نارىعىنداعى ۇسىنىستاردىڭ ءوسۋى ناتيجەسىندە ەلدىڭ بارلىق دەرلىك ايماقتارىندا تۇيىندەمە ءپروفيسيتى قالىپتاستى. ول تۇركىستان (6،5 مىڭ بوس جۇمىس ورنى جانە 25 مىڭ تۇيىندەمە)، قىزىلوردا (2،3 مىڭ بوس جۇمىس ورنى جانە 14،3 مىڭ تۇيىندەمە)، جامبىل (4 مىڭ بوس جۇمىس ورنى جانە 10،3 مىڭ تۇيىندەمە) جانە ماڭعىستاۋ (3،4 مىڭ بوس جۇمىس ورنى جانە 12،7 مىڭ تۇيىندەمە) وبلىستارىندا ەرەكشە بايقالدى.
بىلىكتى قىزمەتكەرلەر اراسىندا تاربيەشىلەر (2،1 مىڭ بوس جۇمىس ورنى)، اۆتوموبيل جۇرگىزۋشىلەرى جانە ماتەماتيكا مۇعالىمدەرى (1،9 مىڭ بوس جۇمىس ورنى) سۇرانىسقا يە بولدى. الەۋمەتتىك قىزمەتكەر (+1،1 مىڭ بوس جۇمىس ورنى) جانە ءبىلىم بەرۋدەگى الەۋمەتتىك پەداگوگ (+625 بوس جۇمىس ورنى) سياقتى ماماندىقتارعا سۇرانىس ارتتى.
تاپشى ماماندار قاتارىن ماتەماتيكا ءپانىنىڭ مۇعالىمدەرى تولىقتىردى، ولار جالپى 529 تۇيىندەمە ورنالاستىردى، سونداي-اق الەۋمەتتىك پەداگوگتار (173 تۇيىندەمە) مەن مەكتەپ پسيحولوگتارى دا (262 تۇيىندەمەمەن 1 مىڭ بوس جۇمىس ورنى) تاپشى ماماندار قاتارىنان كورىندى.
جۇمىس بەرۋشىلەر ورتاشا جالاقىنىڭ ەڭ جوعارى مولشەرىن ىزدەنۋشىلەر اراسىنان ءوندىرۋشى ونەركاسىپتەگى ۋچاسكە باستىعى (741 مىڭ تەڭگەدەن باستاپ)، اۆياسياداعى ينجەنەر (~693 مىڭ تەڭگە) جانە باس قۇرىلىسشى (~605 مىڭ تەڭگە) لاۋازىمدارىنا ۇسىندى، ال ءجۇمىس ىزدەۋشىلەر اراسىنان ەڭ جوعارى جالاقىنى ءوندىرۋشى ونەركاسىپتە ءبولىم باستىعىنىڭ ورىنباسارى (ورتا ەسەپپەن 1،1 ملن تەڭگە)، ۇشقىش (~1،1 ملن تەڭگە)، سونداي-اق ماتەريالدىق-وندىرىستىك قۇندىلىقتاردى ەسەپكە الۋ ءبولىمىنىڭ باسشىسى (~1 ملن تەڭگە) لاۋازىمىنا ۇمىتكەرلەر سۇرادى.
وسىلايشا، قاڭتار ايىندا ەەب-دا بوس ورىنداردىڭ ازايۋى كەزىندە تۇيىندەمەلەر سانىنىڭ ايتارلىقتاي ءوسۋى بايقالدى. بۇل جىل باسىندا جۇمىس بەرۋشىلەر جالداۋ پروسەسىن ءالى كۇشەيتپەگەندىكتەن بولۋى مۇمكىن، ال كوپتەگەن جۇمىس ىزدەۋشىلەر، كەرىسىنشە، قاڭتاردان باستاپ جاڭا جۇمىس ىزدەي باستايدى. كوپتەگەن ماماندىقتار بويىنشا تۇيىندەمەنىڭ پروفيسيتىنە قاراماستان، كەيبىر لاۋازىمداردا كادرلار تاپشىلىعى بولدى.