الماتىلىق «سەليننىي» كينوتەاترى كوپفۋنكسيونالدى زاماناۋي ونەر ورداسىنا اينالۋدا. بۇل تۋرالى aqshamnews.kz سايتى حابارلايدى.
1964 جىلى سالىنعان عيمارات قازاقستانداعى العاشقى تاۋەلسىز زاماناۋي ونەر ورداسى بولادى. مۇندا كورمەلەر، كونسەرتتەر، كينو كورسەتىلىمدەرى جانە ءتۇرلى شىعارماشىلىق ءىس-شارالار وتەدى.
جوبا ايگىلى بريتاندىق ساۋلەتشى اسيف حاننىڭ جەتەكشىلىگىمەن جۇزەگە اسۋدا. ول عيماراتتىڭ نەگىزگى ارحيتەكتۋرالىق ەرەكشەلىكتەرىن ساقتاي وتىرىپ، ونى زاماناۋي ستاندارتتارعا ساي بەيىمدەدى. جاڭارتۋ جۇمىستارى 2018 جىلى باستالعانىمەن، پاندەميا سالدارىنان سوزىلىپ كەتتى.
عيماراتتىڭ تولقىندى پىشىندەگى قاسبەتى ارنايى فيبروبەتونمەن قاپتالىپ، پەتروگليفتەرگە ۇقساس بەدەرلى ەلەمەنتتەرمەن ارلەنەدى. اسيف حاننىڭ ايتۋىنشا، بۇل شەشىم سۋرەتشى ەۆگەنيي سيدوركيننىڭ كەڭەستىك كەزەڭدەگى كەسكىندەمەلىك شىعارماسىنا نەگىزدەلگەن، ول قازاقتىڭ ءداستۇرلى تۇرمىسىن بەينەلەگەن.
"مەنىڭ ماقساتىم – تەك كەڭەستىك كينوتەاتردى قالپىنا كەلتىرۋ عانا ەمەس، ەشقاشان بولماعان «سەليننىيدى» اشۋ. بۇل بولاشاق ۇرپاقتىڭ ونەرى مەن شىعارماشىلىعى ءۇشىن جاسالعان كەڭىستىك. زاماناۋي يدەيالار مەن فۋتۋريستىك ديزاين ۇيلەسكەن بۇل مەكەمە ورتالىق ازيا سۋرەتشىلەرى ءۇشىن ەرەكشە مۇمكىندىك بولادى"، – دەيدى اسيف حان.
ورتالىقتا:
قازاقستاندىق جانە ورتالىقازيالىق سۋرەتشىلەردىڭ جۇمىستارىن قولداۋ؛
گالەرەيا، كىتاپحانا، شەبەرحانا جانە كىتاپ دۇكەنىن ورنالاستىرۋ؛
بيىك توبەلى، كەڭ زالدارى مەن پانورامالىق تەرەزەلەرى بار شىعارماشىلىق كەڭىستىك جاساۋ جوسپارلانعان.
«سەليننىي» مادەني ورتالىعى بيىل كوكتەمدە اشىلادى.