الماتىدا حالىقارالىق «WHERETOEAT Kazakhstan» پرەمياسىنىڭ سالتاناتتى ءراسىمى ءوتتى.
Almaty Theatre عيماراتىندا «Wheretoeat» حالىقارالىق مەيرامحانا سىيلىعىنىڭ ەلىمىزدەگى تۇڭعىش سالتاناتتى تابىستاۋ ءراسىمى ءوتتى. سالتاناتتى ءراسىم بارىسىندا قازاقستانداعى ۇزدىك 50 مەيرامحاناسىنىڭ رەيتينگى جاريالاندى. سونداي-اق، «جىلدىڭ باس اسپازى»، «ب ا ق تاڭداۋى»، «قازاق تاعامدارىنىڭ ۇزدىك مەيرامحاناسى» جانە وزگە دە ارنايى نوميناسيالاردىڭ لاۋرەاتتارى ماراپاتتالدى.
- «Wheretoeat» مەيرامحانا سىيلىعى – الەمگە ايگىلى Where Magazines International مەديا توبىنىڭ جوباسى. مەديا قاۋىمداستىقتىڭ ەڭ تانىمال ءونىمى – «Where» جۋرنالى. ول «Where London»، «Where Paris»، «Where Moscow» سياقتى اتپەن الەمدەگى ەڭ ۇلكەن قالالاردا باسىلىپ شىعارىلادى.
ءبىز بيىل پرەميانى حالىقارالىق دەڭگەيگە شىعارىپ، «WHERETOEAT Kazakhstan» سىيلىعىن تابىستاۋدى ءجون كوردىك. ول ءۇشىن 2 ايعا جۋىق جەرگىلىكتى ساراپشىلاردى ىزدەدىك. ساراپشىلار قۇپيا تۇردە مەيرامحانالارعا بارىپ، ولاردى باعالاپ كوردى. ساراپشىلاردىڭ باعاسى نەگىزىندە ءبىز رەيتينگتى جاريالادىق، – دەدى «Wheretoeat» پرەمياسىنىڭ اتقارۋشى ديرەكتور الەكسەي دۋدين.
قازاقستانداعى ۇزدىك مەيرامحانالاردىڭ توپ-10 رەيتينگى كەلەسىدەي بولدى:
1. «وگونوك»، الماتى؛
2. Selfie، استانا؛
3. AUYL، الماتى؛
4. La Barca Fish & Wine، الماتى؛
5. «افيشا»، الماتى؛
6. RAW، الماتى؛
7. «حوروشيي گود»، الماتى؛
8. Percorso، الماتى؛
9. Qazaq Gourmet، استانا؛
10. Cheeseria، الماتى.
سونداي-اق، «قازاق تاعامدارىنىڭ ۇزدىك مەيرامحاناسى» اتتى ارنايى نوميناسيانى «Sandyk» مەيرامحانا يەلەندى. ۇزدىك مەيرامحانالار رەيتينگىن پرەميانىڭ الەۋمەتتىك جەلىلەرىنەن تولىق كورۋگە بولادى. شاراعا "اlmaty-akshamy.kz" جانە "vecher.kz" سايتتارى اقپاراتتىق قولداۋ كورسەتتى.
