بيىلعى قىس ەرەكشە جىلى بولادى، دەپ حابارلايدى Almaty-akshamy.kz.
سينوپتيكتەر بۇل مۇلدە انوماليا ەمەس دەپ وتىر.
«قازاقستاندا بيىل قىس ەرەكشە جىلى بولادى. مۇنداي قىس 20 جىلدان اسا ۋاقىتتان بەرى بولماعان. الايدا، بۇل مۇلدە انوماليا ەمەس. كونسۋلتاتيۆتىك-ماۋسىمدىق اۋا رايى بولجامىنا سايكەس، 2023-2024 جىلدارداعى قىس 2001-2002 جىلدارداعى قىستىڭ سەنارييىنە سايكەس كەلەدى. ياعني جاۋىن-شاشىن نورماعا جاقىن نەمەسە ودان دا كوپ بولادى»، – دەپ اتاپ وتەدى قازگيدرومەتتەن.
مەكەمە مالىمەتىنشە، سۋىق كەزەڭدە رەسپۋبليكا اۋماعىندا اتلانتيكالىق ايماقتاردان جىلى جانە ىلعالدى اۋا ماسسالارىنىڭ ءجيى قوزعالۋى كۇتىلەدى. الداعى قىستا قازاقستان اۋماعىندا تەمپەراتۋرالىق فون 1-2 گرادۋسقا جوعارى بولادى دەپ بولجانعان. تەك جەلتوقساندا قازاقستاننىڭ باسىم بولىگىندە اۋا تەمپەراتۋراسى كليماتتىق نورما شەگىندە، ال ەلدىڭ سولتۇستىگى مەن شىعىسىندا نورمادان ءبىر گرادۋسقا تومەن بولاتىنى كۇتىلەدى.