الماتىلىق ماماندار اۋتيزمگە شالدىققان بالالارمەن قارىم-قاتىناس جاساۋ جۇمىسى مەن ادىستەرى تۋرالى ايتتى

الماتىلىق ماماندار اۋتيزمگە شالدىققان بالالارمەن قارىم-قاتىناس جاساۋ جۇمىسى مەن ادىستەرى تۋرالى ايتتى وڭىرلىك كوممۋنيكاسيالار قىزمەتى

وڭىرلىك كوممۋنيكاسيالار قىزمەتىنىڭ الاڭىندا «ارنايى جانە ينكليۋزيۆتى ءبىلىم بەرۋدى دامىتۋدىڭ ۇلتتىق عىلىمي-پراكتيكالىق ورتالىعى» وكىلدەرىنىڭ قاتىسۋىمەن باسپا ءسوز ءماسليحاتى ءوتتى، دەپ حابارلايدى almaty-akshamy.kz


وڭالتۋ جانە جاڭا تەحنولوگيالاردى ەنگىزۋ ءبولىمىنىڭ مەڭگەرۋشىسى، جوعارى ساناتتى پەداگوگ-پسيحولوگ زاۋرە جانگەلدينوۆا ورتالىقتا 31 ناۋرىزدا ورتالىقتا دۇنيەجۇزىلىك اۋتيزم تۋرالى اقپاراتتاندىرۋ كۇنىنە ارنالعان رەسپۋبليكالىق سەمينار وتەتىنىن ايتتى.


ماماندار دۇنيە جۇزىندە، ونىڭ ىشىندە قازاقستاندا اۋتيزممەن اۋىراتىن بالالاردىڭ سانى ارتىپ كەلە جاتقانىن ايتۋدا. ستاتيستيكاعا سايكەس، ەرتە جاستاعى اۋتيزممەن اۋىراتىن بالالاردىڭ سانى 1052 بالا، مەكتەپ جاسىنا دەيىنگى بالالار (3 جاستان 5 جاسقا دەيىن) – 4331 بالا، 6 جاستان 18 جاسقا دەيىنگى بالالار – 6704 بالا.



«ءبىز اۋتيزممەن اۋىراتىن بالالاردىڭ جاسىنا قاراي ولاردىڭ سانى كوبەيگەنىن بايقايمىز. ونىڭ سەبەپتەرىنىڭ ءبىرى – ەرتە جاستان اۋتيزممەن اۋىراتىن بالالارعا پسيحولوگيالىق-پەداگوگيكالىق كومەك كورسەتۋدىڭ جەتكىلىكسىز بولۋى، بالانىڭ دامۋىنا ەرتە ارالاسۋدىڭ بولماۋى. قازىرگى زاماندا ەرتە ارالاسۋدىڭ ماڭىزدىلىعى تۋرالى ايتىلىپ جۇرگەنىمەن، الەمدىك ستاتيستيكا ەرتە تۇزەتۋ كومەگى بار اۋتيزممەن اۋىراتىن بالالاردىڭ 60-70 پايىزى قوعامدا جاقسى بەيىمدەلىپ، الەۋمەتتەنەتىنىن كورسەتەدى»، - دەپ ءتۇسىندىردى ز.جانگەلدينوۆا.



ءبىزدىڭ ەلىمىزدە 208 پسيحولوگيالىق-پەداگوگيكالىق تۇزەتۋ كابينەتى جانە 18 جاسقا دەيىنگى بالالارعا جەكە نەمەسە توپتىق تۇردە كومەك كورسەتەتىن 13 رەسپۋبليكالىق ورتالىق بار. سونداي-اق 44 ارنايى جانە جالپى ءبىلىم بەرەتىن مەكتەپكە دەيىنگى ۇيىمداردا جانە 9 اۋتيزم ورتالىعىندا اۋتيزممەن اۋىراتىن بالالارعا پسيحولوگيالىق-پەداگوگيكالىق كومەك كورسەتىلەدى.


ورتالىقتىڭ مالىمەتىنشە، 2022 جىلى اۋتيزمگە شالدىققان 1789 بالاعا، رو - 288 بالاعا، اۋتيزم ورتالىعىندا 733 بالاعا پسيحولوگيالىق-پەداگوگيكالىق كومەك كورسەتىلگەن. 


2020 جىلى وتاندىق ماماندار اۋتيزممەن اۋىراتىن بالانىڭ قارىم-قاتىناسىنا، الەۋمەتتىك ءوزارا ارەكەتتەسۋىنە جانە الەۋمەتتەنۋىنە باعىتتالعان ارنايى دامىتۋ باعدارلاماسىن ازىرلەدى. بۇگىندە ول وڭالتۋ ورتالىقتارىندا، پسيحولوگيالىق-پەداگوگيكالىق تۇزەتۋ كابينەتتەرىندە، ارنايى جانە جالپى ءبىلىم بەرەتىن مەكتەپكە دەيىنگى ءبىلىم بەرۋ ۇيىمدارىندا قولدانىلادى.


وڭالتۋ جانە جاڭا تەحنولوگيالاردى ەنگىزۋ ءبولىمىنىڭ پەداگوگ-پسيحولوگى اسەل باقتىعالي اۋتيزممەن اۋىراتىن بالالاردىڭ 90 پايىزىندا سەنسورلىق ينتەگراسيانىڭ بۇزىلۋى، ياعني سەنسورلىق ينتەگراسيانىڭ ديسفۋنكسياسى بار ەكەنىن ايتادى. سەنسورلىق ينتەگراسيالىق تەراپيا ءاۋتيزمى بار بالانىڭ مىنەز-قۇلقى مەن دامۋىن ۇيىمداستىرۋدىڭ ءتيىمدى ءادىسى بولىپ تابىلادى.



«ءاۋتيزمى بار بالالار ميى سەنسورلىق اقپاراتتى تىركەمەيدى، بۇل قالاۋسىز نەمەسە اۋلاق جۇرەتىن ارەكەتتەرگە اكەلەدى. كوبىنەسە مۇنداي بالالاردىڭ ميى ءقاۋىپتى سەزبەيدى جانە بالا ودان تاجىريبە المايدى»، - دەيدى ول.


ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

20:50

16:38

16:35

15:52

15:47

14:49

14:11

12:19

11:48

11:32

11:07

10:21

20:29

20:25

18:55

18:00

17:47

17:37

17:20

17:11

17:10

16:21

16:09

15:51

15:18