الماتىلىق كومپانيا بالاباقشا سالىنۋى ءتيىس جەرگە تۇرعىن ءۇي كەشەنىن تۇرعىزۋدا

بۇل ماسەلە تۇرعىنداردىڭ نارازىلىعىن تۋدىرعان.

شاعىم ايتقان الماتىلىقتار بۇل جاعدايدى الەۋمەتتىك جەلىدە جازىپ، ماسەلەگە نازار اۋدارۋعا شاقىرۋدا، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«لۋكۋم» ج ش س بالاباقشا مەن ءبىر بەس قاباتتى تۇرعىن ءۇي سالۋعا رۇقسات العان. ءبىراق، قازىرگى ۋاقىتتا كوپ قاباتتى تۇرعىن ۇيلەر كەشەنىن سالۋدا. ءبىزدىڭ بالالاردىڭ جەرىن تارتىپ الدى. بۇعان مەملەكەت تە ارالاسپاي وتىر»،- دەپ جازدى تۇرعىندار.

اتالعان ماسەلە بويىنشا قازاقپارات ءتىلشىسى الماتى قالالىق جوسپارلاۋ جانە ۋربانيستيكا باسقارماسىنا ساۋال جولداعان ەكەن. باسقارمانىڭ مالىمەتىنشە، قاراساي باتىر كوشەسى، 195/95 مەكەن جايىنداعى جەر تەلىمى اتالعان جشس-عا تيەسىلى بولىپ شىقتى. ونى راستايتىن ارنايى قۇجاتتار بار. ماقساتى: بالاباقشا، قىزمەت كورسەتۋ نىساندارى، جەراستى اۆتوتۇراعى بار كوپقاباتتى تۇرعىن ءۇي قۇرىلىسىن سالۋ (ەسكەرۋ كەرەك: قولدانىستاعى عيماراتتاردى بۇزۋمەن).

«مەنشىك يەسى 2018 جىلى مەملەكەتتىك قىزمەتتەردى كورسەتۋ اياسىندا نەگىزگى عيماراتقا كىرىكتىرىلە سالىنعان بالاباقشا، جەر استى اۆتوتۇراعى بار كوپ قاباتتى ءۇيدىڭ جوبا الدىنداعى قۇجاتتارىن العان. ەسكە سالايىق، جوبالىق قۇجاتتاما قۇرىلىس باستالعانعا دەيىن ق ر زاڭناماسىنا ساي مىندەتتى تۇردە مەملەكەتتىك ساراپتامادان وتەدى»، - دەپ جاۋاپ بەردى الماتى قالالىق جوسپارلاۋ جانە ۋربانيستيكا باسقارماسى.