اقش-تا تاعى دا اتىس بولدى.
بۇل جولى نيۋ-يورك مەتروسىندا بەلگىسىز بىرەۋ جولاۋشىلارعا وق اتىپ، بىرنەشە ادامدى جاراقاتتاندى، دەپ حابارلايدى Almaty-akshamy.kz 24.kz-كە سىلتەمە جاساپ.
اۋىر حالدە جاتقاندار دا بار. قاندى وقيعا برۋكليننىڭ 36 مەترو ستانسياسىندا بولدى. تاڭعى ساعات 08:30 شاماسىندا بەلگىسىز بىرەۋ جولاۋشىلارعا وق اتا باستاعان. سالدارىنان 16 ادام زارداپ شەككەن، ولاردىڭ 10-ى وق جاراقاتىن العان. پوليسيا دەپارتامەنتى وكىلدەرىنىڭ ايتۋىنشا، 5 ادام اۋىر حالدە جاتىر.
ادامدارعا قارسى وق اتقان كۇدىكتى ءىزىن سۋىتىپ ۇلگەرگەن جانە ونىڭ قولعا تۇسكەندىگى تۋرالى اقپارات جوق.
«مەترو ستانسياسىندا ەشقانداي جارىلعىش زات جوق. بۇل تەررورلىق ارەكەت ەمەس. كۇدىكتى الدىمەن ءتۇتىن شىعارىپ، سوسىن وق اتا باستادى. ول قارا ءناسىلدى جانە بويى 1 مەتر 50 سم شاماسىندا»، - دەيدى نيۋ-يورك پوليسيا دەپارتامەنتىنىڭ باسشىسى كيچانت سيۋەل.
برۋكليننىڭ وڭتۇستىك بولىگىمەن وتەتىن بۇل مەترو جەلىسى نەگىزىنەن يسپاندىق جانە ازياتتىق امەريكاندىقتاردىڭ كوپ شوعىرلانعان اۋدانىنان وتەدى. جانە جالپى سوڭعى ۋاقىتتا اتىس كوبەيىپ بارادى. بيىلدىڭ وزىندە قالالىق پوليسيا دەپارتامەنتىنىڭ مالىمەتىننشە، نيۋ-يورك قالاسى بويىنشا 322 اتىس تىركەلىپ، سالدارىنان 360 ادام زارداپ شەكتى. بۇل وتكەن جىلمەن سالىستىرعاندا 8 پايىزعا وسكەن.