بىلتىر كوللەدج تۇلەكتەرى جۇمىسقا ورنالاسۋ جاعىنان ۇزدىك كورسەتكىشكە يە بولدى. 2025 جىلعى قابىلداۋ كورسەتكىشى بۇرىنعى رەكوردتاردى جاڭارتتى. ءبىلىم باسقارماسى مەن وڭىرلىك كوممۋنيكاسيالار قىزمەتى بىرلەسىپ ۇيىمداستىرعان باسپا ءسوز تۋرىندا وسىنداي دەرەك ايتىلدى.
2024 جىلى ەلىمىزدىڭ كوللەدجدەرى 23 429 بىلىكتى ماماندى دايارلاپ شىعاردى. ولاردىڭ 22 117ء-سى جۇمىسقا ورنالاسىپ، بەلگىلى ءبىر قىزمەتپەن اينالىسىپ جاتىر، بۇل جالپى تۇلەكتەردىڭ 94،4%-ى دەگەن ءسوز. ونىڭ ىشىندە 17 020 ادام رەسمي تۇردە جۇمىسقا ورنالاسسا، 5 097 تۇلەك "جۇمىسپەن قامتىلعانداردىڭ" ساناتىنا كىرىپتى:
• 3 642 تۇلەك جوعارى وقۋ ورىندارىندا وقۋدى جالعاستىرعان،
• 460 ادام قوسىمشا بىلىكتىلىك الۋ ءۇشىن كوللەدجگە قايتا تۇسكەن،
• 556 ادام قارۋلى كۇشتەر قاتارىنا شاقىرىلعان،
• 296 تۇلەك بالا كۇتىمى بويىنشا دەمالىستا.
2024 جىلى كوللەدجدەرگە 27 230 ستۋدەنت قابىلداندى. ونىڭ 17 000-ى مەملەكەتتىك ءبىلىم بەرۋ تاپسىرىسى بويىنشا وقيدى:
• 6 960-ى جۇمىسشى ماماندىقتار،
• 10 040-ى ورتا بۋىن ماماندىقتارى بويىنشا ءبىلىم الىپ جاتىر.
ال بيىل كوللەدج تۇلەكتەرىنىڭ سانى 26 000-نان استقان. 2025 جىلعى قابىلداۋ ناۋقانى تەحنيكالىق جانە كاسىپتىك ءبىلىم بەرۋ جۇيەسىنە دەگەن قىزىعۋشىلىقتىڭ ارتىپ كەلە جاتقانىن تاعى دا دالەلدەدى. ءبىرىنشى كۋرسقا 31 000-نان استام ستۋدەنت قابىلداندى، ونىڭ ىشىندە:
• 17 491 ستۋدەنت مەملەكەتتىك تاپسىرىس بويىنشا ءبىلىم الىپ جاتىر،
o 7 116 – جۇمىسشى ماماندىقتار بويىنشا،
o 10 375 – ورتا بۋىن ماماندارى بويىنشا.
وسىنداي وڭ ديناميكا قازاقستان كوللەدجدەرىنىڭ تالاپكەرلەر مەن جۇمىس بەرۋشىلەرگە تارتىمدى بولا تۇسكەنىنە دالەل. كوللەدجدەر جاستارعا ناقتى كاسىبي جانە قىزمەتتە ءوسۋ مۇمكىندىگىن ۇسىنىپ، ەڭبەك نارىعىنىڭ سۇرانىسىنا ساي مامانداردى دايارلاۋدا ماڭىزدى ءرول اتقارىپ وتىر.