قالادا قار تازالاۋ جۇمىستارى جۇرگىزىلۋدە
الماتى قالاسىنىڭ تۇرعىن ءۇي ساياساتى باسقارماسىنىڭ مالىمەتى بويىنشا، الماتىدا 10 سم، تاۋ بوكتەرى مەن تاۋلى اۋدانداردا 15 سم قار جاۋدى، دەپ حابارلايدى Almaty-akshamy.kz
كوكتايعاقتىڭ الدىن الۋ ماقساتىندا قار جاۋا سالىسىمەن جولدارعا كوكتايعاققا قارسى 450 توننا ماتەريالدار سەبىلگەن.
تروتۋارلاردى، جاياۋ جۇرگىنشىلەر ايماقتارىن، قوعامدىق كولىك ايالدامالارىن، جالپى پايدالانۋ ورىندارىن تازالاۋ بويىنشا جۇمىستار ۇيىمداستىرىلدى.
قاردى سىپىرۋ جۇمىستارى جۇرگىزىلۋدە.
ساعات 18.00-دەگى جاعداي بويىنشا 159 تەكشە مەتر قار شىعارىلدى.
621 بىرلىك ارنايى تەحنيكا، 201 قۇمشاشقىش جانە 1532 جول جۇمىسشىسى جۇمىلدىرىلدى.
اۋداندىق اكىمدىكتەر مەن مەردىگەر ۇيىمداردا قار تازالاۋ جۇمىستارىنىڭ بارىسىن باقىلاۋ جونىندە تاۋلىك بويى كەزەكشىلىك ۇيىمداستىرىلدى.
"قازگيدرومەتتىڭ" بولجامى بويىنشا 10 اقپاننىڭ تاڭىنا دەيىن قار جاۋادى دەپ كۇتىلۋدە. تۇندە اۋا تەمپەراتۋراسى -4...-6. تۇمان، كوكتايعاق بولادى.
