قازاقستاندا بەس جىلدا 2 ملرد اعاش وتىرعىزۋ جوسپارلانىپ وتىر
بيىلعى اعاش وتىرعىزۋ ماۋسىمىن باستاعان الماتىلىق جۋرناليستەر قالا ىرگەسىندەگى "قازاق ورمان ورنالاستىرۋ كاسىپورنى" رمقك-نە قاراستى "مەجدۋرەچەنسك" وندىرىستىك بولىمشەسىندە قىرىم قاراعايىنىڭ كوشەتتەرىن وتىرعىزىپ، كوگالداندىرۋ جۇمىستارىنا ءوز ۇلەستەرىن قوستى، دەپ حابارلايدى Almaty-akshamy.kz.
ق ر ەگترم ورمان شارۋاشىلىعى جانە جانۋارلار دۇنيەسى كوميتەتىنىڭ ۇيىمداستىرۋىمەن وتكەن بۇل شارا حالىقارالىق ورمان كۇنىنە ورايلاستىرىلدى.
كوميتەتتىڭ باسپا ءسوز قىزمەتىنىڭ وكىلى ماقسات ناسىردىڭ ايتۋىنشا، قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ 2020 جىلعى جولداۋىنا سايكەس، 2021-2025 جىلدارى 843،0 مىڭ گا القاپقا 2 ملرد اعاش وتىرعىزۋ جوسپارلانعان.
كوك جەلەكتىڭ باسىم بولىگى تۇركىستان، قىزىلوردا، جامبىل وبلىستارىنىڭ، سونداي-اق سەمەي جانە ەرتىس ورمانى رەزەرۆاتىنىڭ اۋماقتارىندا وتىرعىزىلماق.