بۇل تۋرالى الماتىلىق جۋرناليستەرگە ارنالعان باسپا ءسوز تۋرى اياسىندا ايتىلدى. ب ا ق وكىلدەرىنە «رەسپۋبليكالىق ورمان سەلەكسيالىق-تۇقىم ورتالىعىنىڭ» قىزمەتى تانىستىرىلىپ، ورمان شارۋاشىلىعىنا بايلانىستى اتقارىلعان جۇمىستار مەن برەندتىك جوبالار جايىندا اقپارات بەرىلدى، دەپ حابارلايدى Almaty-akshamy.kz.
ەل اۋماعىن كوگالداندىرۋ ماقساتىن كوزدەگەن جوبانى ىسكە اسىرۋ اياسىندا "قازاقستان عارىش ساپارى "ۇك" اق جانە "قازاق ورمان ورنالاستىرۋ كاسىپورنى" رمقك-مەن بىرلەسىپ، ورمان مولىقتىرۋ شارالارىن ونلاين قاراۋعا مۇمكىندىك بەرەتىن ينتەراكتيۆتى كارتانى جاساپ شىعارعان. ينتەراكتيۆتى كارتانى قۇرۋدىڭ ماقساتى - تۇراقتى دامۋدى قامتاماسىز ەتۋ جانە تيىمدىلىكتى ارتتىرۋ ماقساتىندا گەواقپاراتتىق جۇيەلەردى قولدانۋعا نەگىزدەلگەن ەلىمىز بويىنشا 2 ملرد اعاش وتىرعىزۋدى قوعامدىق باقىلاۋ جانە مونيتورينگىلەۋ قۇرالىن قۇرۋ.
ينتەراكتيۆتى كارتا نەگىزىندە ورمان ورنالاستىرۋ ماتەريالدارى جاتقان مەملەكەتتىك ورمان قورىنىڭ اتريبۋتيۆتىك اقپاراتى بار گەوسەرۆيس بولىپ تابىلادى. گەوسەرۆيستە ورمان ورنالاستىرۋ ماتەريالدارى تەلىمدەردىڭ تاكساسيالىق سيپاتتاماسى تۇرىندە ءاتريبۋتيۆتى اقپاراتى بار ۆەكتورلىق ساندىق كارتالار تۇرىندە ۇسىنىلعان.
"كارتاعا ەنگىزىلگەن ورمان مەكەمەلەرىنىڭ، ورمانشىلىقتاردىڭ، ورامداردىڭ، تەلىمدەردىڭ شەكارالارى كورسەتىلگەن تاكساسيالىق سيپاتتاماسى بار كارتالار قاباتتارى جانە اي سايىن جاڭارتىلىپ وتىراتىن اسا جوعارى كەڭىستىكتىك رۇقساتتاعى عارىش تۇسىرىلىمدەرى، اعاش وتىرعىزۋ، تۇقىم دايىنداۋ، تۇقىمباقتار جونىندەگى مالىمەتتەر اۆتوماتتى تۇردە دەرەكقورعا تۇسەدى جانە بارلىق پايدالانۋشىلار ءۇشىن قولجەتىمدى بولادى. ەڭ ماڭىزدىسى، ۇەۇ مەن مۇددەلى جاندارعا سۋرەتتەر مەن بەينەماتەريالداردى، اعاش وتىرعىزۋ جانە كۇتىپ-باپتاۋ جۇمىستارى تۋرالى تۇسىنىك بەرىلىپ، مونيتورينگ جۇرگىزىلەدى، ءسويتىپ، اتقارىلعان ىستەردىڭ اشىقتىعىن قامتاماسىز ەتەدى. سونداي-اق، Android OS جانە IOS پلاتفورمالارى ءۇشىن ينسپەكتورلاردىڭ اعاش وتىرعىزۋ تۋرالى اقپاراتتى ءوز بەتىنشە تولتىرۋعا جانە كورسەتۋگە مۇمكىندىك بەرەتىن ءموبيلدى قوسىمشا جاسالعان"، - دەدى "قازاق ورمان ورنالاستىرۋ كاسىپورنى" رمقك ديرەكتورىنىڭ ورىنباسارى نۇرلان سۇلەيمەنوۆ.