قاپشاعاي قالاسىنا دىنمۇحامەد قونايەۆتىڭ ەسىمىن بەرۋ ۇسىنىسى ءبىراۋىزدان ماقۇلداندى

ءبىراۋىزدان شەشىم قابىلداندى.

24 ناۋرىزدا قايرات احمەتتايەۆتىڭ توراعالىعىمەن قاپشاعاي قالالىق ءماسليحاتىنىڭ تۇراقتى كوميسسياسىنىڭ وتىرىسى ءوتتى. وندا قالالىق ىشكى ساياسات ءبولىمىنىڭ باسشىسى بيبىگۇل شايكەنوۆانىڭ قاپشاعاي قالاسىنا دىنمۇحامەد قونايەۆ ەسىمىن بەرۋ ماسەلەسى جونىندەگى بايانداماسى تىڭدالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

شايكەنوۆا قالا اكىمىنىڭ اتىنا «قامقور جۇرەك» جانە «قاپشاعاي، سامعا» مۇگەدەكتەردىڭ قوعامدىق بىرلەستىكتەرى، كوپ بالالى انالاردىڭ «انا ساۋلەسى» قوعامدىق بىرلەستىگى، قاپشاعاي قالالىق «سەمەي پوليگونى» قوعامدىق بىرلەستىگى، قاپشاعاي قالالىق «قاپشاعاي قالالىق پوليگونى» قوعامدىق بىرلەستىكتەرى سياقتى ءتۇرلى ۇكىمەتتىك ەمەس ۇيىمدار مەن AMANAT، «اق جول» پارتيالارىنان قاپشاعاي قالاسىن دىنمۇحامەد قونايەۆ دەپ اتاۋ تۋرالى باستاما قولداۋحات كەلىپ تۇسكەنىن مالىمدەدى.

داۋىس بەرۋ قورىتىندىسى بويىنشا، قاپشاعاي قالاسىنىڭ اتاۋىن "دىنمۇحامەد قونايەۆ" دەپ وزگەرتۋ تۋرالى ءبىراۋىزدان شەشىم قابىلداندى.

ايتا كەتەيىك، جاريا تىڭداۋدىڭ حاتتاماسى جەرگىلىكتى اتقارۋشى جانە قۇزىرلى ورگانداردىڭ ينتەرنەت-رەسۋرستارىندا جانە «نۇرلى ولكە» گازەتىندە جاريالاندى.