الماتىلىق جۇرگىزۋشىلەردىڭ ارەكەتىن «سەرگەك – پاترۋل» باقىلايدى

ول اۋا رايىنىڭ قولايسىزدىعىنا قاراماستان جۇمىس ىستەي بەرەدى.

الماتىدا «سەرگەك – پاترۋل» جۇيەسى ىسكە قوسىلدى، دەپ حابارلايدى Almaty-akshamy.kz

بۇل تۋرالى ىشكى ىستەر مينيسترلىگىنىڭ وكىلى شۇعىلا تۇرلىبەك ايتتى.

"الماتى پوليسياسىندا جاڭا «سەرگەك – پاترۋل» كەشەنى تانىستىرىلدى. بۇل جۇيە مەگاپوليستە جول قاۋىپسىزدىگىن قامتاماسىز ەتۋگە جانە اپات دەڭگەيىن تومەندەتۋگە مۇمكىندىك بەرەدى. كامەرالار مەن جوعارى ينتەللەكت كومەگىمەن جۇيە قاجەت ءاۆتوموبيلدى كولىك اعىنىنىڭ ىشىنەن انىقتايدى ءارى مەملەكەتتىك ءنومىردى تانيدى جانە دەرەكتەردى سەرۆەرگە جىبەرەدى"، - دەدى ءىىم وكىلى.

«سەرگەك – پاترۋل» مەملەكەتتىك تىركەۋ نومىرلىك بەلگىسى جالعان ءنومىر ەمەستىگىن، تەحنيكالىق بايقاۋدىڭ جانە ساقتاندىرۋ ءپوليسىنىڭ بولماۋىن، تولەنبەگەن ايىپپۇلداردىڭ بولۋىن، ۇرلىققا جانە قانداي دا ءبىر قىلمىسقا قاتىسى بار-جوعىن تەكسەرەدى.

باعدارلاما قوعامدىق كولىككە ارنالعان جولاقتاردا جول ەرەجەسىن بۇزۋ دەرەگىن دە تۇسىرە الادى.

"جاڭا اۆتوماتتاندىرىلعان كەشەن ءوزىنىڭ تەحنيكالىق مۇمكىندىكتەرىن ايتارلىقتاي جاقسارتتى. جابدىق قاراڭعى ۋاقىتتا، قولايسىز اۋا رايىندا جانە ايازدا جاقسى جۇمىس ىستەيدى. اۆتوماتتاندىرىلعان باعدارلامالىق كەشەن «قورعاۋ» ءموبيلدى قوسىمشاسىمەن بىرىكتىرىلدى"، - دەدى شۇعىلا تۇرلىبەك.