بۇگىن تمد ەلدەرىنەن كەلگەن حالىقارالىق باقىلاۋشىلار دەلەگاسياسى د.سنەگين اتىنداعى №30 مەكتەپ-گيمنازياسىندا ورنالاسقان №383 سايلاۋ ۋچاسكەسىنە باردى. بايقاۋشىلار اەس-تى سالۋ ماسەلەسى بويىنشا داۋىس بەرۋ پروسەسى قازاقستان زاڭناماسىنا تولىق سايكەس ءجۇرىپ جاتقانىن اتاپ ءوتىپ، ونىڭ ۇيىمداستىرىلۋىنا جوعارى باعا بەردى، دەپ حابارلايدى aqshamnews.kz.
باقىلاۋشىلار اراسىندا ءازىربايجان، بەلارۋس، قىرعىزستان، رەسەي، تاجىكستان، وزبەكستان ەلدەرىنەن اككرەديتتەلگەن تۇلعالار، سونداي-اق تمد اتقارۋ كوميتەتىنىڭ وكىلدەرى بار.
«باقىلاۋشىلار داۋىس بەرۋگە كەلۋشىلەردىڭ وتە بەلسەندى ءارى كوڭىل-كۇيلەرى دە كوتەرىڭكى ەكەنىن بايقادى»، - دەپ اتاپ ءوتتى الماتى قوعامدىق كەڭەسىنىڭ مۇشەسى رافاەل حاسانوۆ.
تمد-دان بارلىعى 74 باقىلاۋشى قازاقستاننىڭ توعىز وڭىرىندە ءجۇر. سونىڭ ىشىندە الماتى دا بار. سونداي-اق شىۇ، تۇركى مەملەكەتتەرى ۇيىمدارىنىڭ جانە اوسشك وكىلدەرىمەن ىنتىماقتاسادى.