كوزى اشىق، كوكىرەگى وياۋ ازاماتتار ەلدى العا باستايدى
AMANAT پارتياسى الماتى قالالىق فيليالى جانىنداعى «جاستار رۋحى» جاستار قوزعالىسى پرەزيدەنت جولداۋىن تالقىلاۋ ماقساتىنداعى «جاستارعا جان-جاقتى قولداۋ كورسەتۋ» تاقىرىبىنداعى «Qaisar» ديالوگ الاڭىن وتكىزدى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
«Qaisar» جاستاردى وتانسۇيگىشتىككە باۋليتىن AMANAT پارتياسىنىڭ بيىل ىسكە قوسىلعان اسكەري-پاتريوتتىق جوباسى. جوبانىڭ ماقساتى دا ەل قورعايتىن، مەملەكەتىمىزگە قىزمەت ەتەتىن ەرجۇرەك ازاماتتاردى تاربيەلەۋگە باسىم ماڭىز بەرۋ بولاتىن. وسى تۇرعىدا جاستارمەن بىرنەشە كەزدەسۋلەر وتكەن ەدى.
بۇگىنگى كەزدەسۋ قوناقتارى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى اكادەمياسىنىڭ مايورى ءادىلجان ادىلگەرەي، الماتى قالاسى ءماسليحات دەپۋتاتتارى بەكبول رامازان مەن دينا ەرلان بولدى. ديالوگ الاڭىنىڭ مودەراتورى – «جاستار رۋحى» جق الماتى قالالىق فيليالىنىڭ ءتوراعاسى اكەجان كەڭەسوۆ.
بۇل كەزدەسۋدىڭ نەگىزگى تاقىرىبى - «جاستارعا جان-جاقتى قولداۋ كورسەتۋ» پرەزيدەنت جولداۋىن تالقىلاۋ ماقساتىندا بولدى. تاقىرىپ اياسىندا دينا ەرلان الەۋمەتتىك سۇراقتارعا جاۋاپ بەرىپ، جاستارعا ءتيىمدى ءارى پايدالى تارماقتاردى اتاپ ءوتتى. ءوز كەزەگىندە بەكبول رامازان جاتاقحانالاردىڭ اشىلۋى، ولاردىڭ جاي-كۇيى جونىندە ايتتى. بەكبول رامازان جاستارعا ۋاقىتتى ءتيىمدى پايدالانۋ ماڭىزدى ەكەنىن جەتكىزدى.
«كوزى اشىق، كوكىرەگى وياۋ ازاماتتار ەلدى العا باستايدى. سوندىقتان بىرنەشە ءتىل ءبىلىپ، ءتۇرلى كاسىپ يگەرۋ جاستاردىڭ، ياعني ءبىزدىڭ قولىمىزدان كەلەدى. پرەزيدەنت اتاپ وتكەندەي، ەلىمىز باسەكەگە قابىلەتتى بولۋى قاجەت. ول ءۇشىن ەڭ ءبىرىنشى جاستارىمىز مىقتى مامان بولىپ، جاھاندانۋ زامانىندا باسەكەگە قابىلەتتى بولىپ شىڭدالۋى قاجەت»، – دەدى كەزدەسۋدىڭ مودەراتورى «جاستار رۋحى» جق ءتوراعاسى كەڭەسوۆ اكەجان.
جالپى كەزدەسۋ سوڭى بليس سۇراق-جاۋاپ تۇرىندە ءوتىپ، جاستار ءوز ساۋالدارىنا جاۋاپ الىپ، ويلارىن ءبولىستى.