باقىتگۇل حامەنوۆانىڭ سوتى كەيىنگە قالدىرىلدى

تاراپتار پىكىرتالاسىن جالعاستىرۋ جوسپارلانعان سوت وتىرىسى №2 قالالىق سوتتا ءوتۋى ءتيىس بولاتىن

اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆانىڭ سوتى كەيىنگە شەگەرىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

وبلىستىق سوتتىڭ باسپا ءسوز قىزمەتى حابارلاعانداي، اتىراۋ وبلىسى اكىمىنىڭ ەكس-ورىنباسارى باقىتگۇل حامەنوۆانىڭ ءىسى بويىنشا 3 قازانعا بەلگىلەنگەن سوت وتىرىسى 13 قازانعا قالدى.

تاراپتار پىكىرتالاسىن جالعاستىرۋ جوسپارلانعان سوت وتىرىسى №2 قالالىق سوتتا ءوتۋى ءتيىس بولاتىن. سوت وتىرىسى سوتقا ءتوراعالىق ەتۋشى سۋديا جۇماعالي ءتاشىموۆتىڭ ناۋقاستانىپ قالۋىنا بايلانىستى كەيىنگە شەگەرىلدى.

ەسكە سالساق، بيىلعى 26 مامىردا اتىراۋ قالاسىنىڭ №2 سوتىنا ق ر قىلمىستىق كودەكسى 366-بابىنىڭ 3-بولىگى 2-تارماعىمەن اتىراۋ وبلىسى اكىمىنىڭ ورىنباسارى باقىتگۇل حامەنوۆاعا، اتىراۋ وبلىسى مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى اقىلبەك رىسقالييەۆكە، ق ر قىلمىستىق كودەسى 367-بابىنىڭ 2-بولىگىمەن «ب» ج ش س ديرەكتورىنا قاتىستى قىلمىستىق ءىس ءتۇستى.