قازاقستان مەن ءۇندىستان اراسىنداعى اۋە قاتىناسى كەڭەيىپ كەلەدى. ق ر كولىك مينيسترلىگىنىڭ مالىمەتىنشە، 20 ساۋىردەن باستاپ Air Astana اۋە كومپانياسى الماتى – مۋمباي باعىتى بويىنشا تىكەلەي رەيستەردى ىسكە قوسادى، دەپ حابارلايدى aqshamnews.kz
جاڭا باعىت بويىنشا رەيستەر اپتاسىنا ءۇش رەت – جەكسەنبى، سارسەنبى جانە بەيسەنبى كۇندەرى ورىندالادى. ۇشۋلار Airbus اۋە كەمەلەرىمەن جۇزەگە اسىرىلادى.
العاشقى رەيس:
✈ الماتىدان ۇشۋ – 20 ءساۋىر، 04:30
✈ مۋمبايعا قونۋ – 09:55 (جەرگىلىكتى ۋاقىت بويىنشا)
✈ قايتار جول: مۋمباي – 11:00، الماتى – 14:45
ۇشۋ ۋاقىتى:
- الماتى – مۋمباي: 4 ساعات 50 مينۋت
- مۋمباي – الماتى: 4 ساعات 20 مينۋت
قازىرگى ۋاقىتتا قازاقستاننان ءۇندىستانعا الماتى – دەلي باعىتىندا Air Astana جانە IndiGo اۋە كومپانيالارى رەيستەردى ورىنداۋدا. سونىمەن قاتار، SCAT الماتىدان گواعا، ال FlyArystan استانادان گواعا تىكەلەي ۇشادى.
جاڭا باعىت ەكى ەل اراسىنداعى ىسكەرلىك جانە تۋريستىك بايلانىستاردى نىعايتۋعا ىقپال ەتپەك.