الماتىلىق سەمسەرلەسۋشىلەر سوفيا اقتايەۆا مەن تيموفەي سەمونوۆ جاسوسپىرىمدەر اراسىنداعى الەم كۋبوگىندا كۇمىس پەن قولا جۇلدە الدى، - دەپ حابارلايدى Aqshamnews.kz ءتىلشىسى.
ءباا-نىڭ فۋدجەيرا قالاسىندا جاسوسپىرىمدەردىڭ اراسىندا راپيرامەن سەمسەرلەسۋدەن الەم كۋبوگى بولىپ ءوتتى. حالىقارالىق جارىستىڭ قورىتىندىسى بويىنشا قازاقستان قۇراماسىنىڭ سپورتشىلارى دەڭگەيى جوعارى ەكەنىن كورسەتىپ، جۇلدەلى ورىنعا يە بولدى.
سوفيا اكتايەۆا جارىستىڭ بارلىق كەزەڭىنەن سەنىمدى ءوتىپ، فينالعا دەيىن جەتتى. قورىتىندىسىندا ول الەم كۋبوگىنىڭ كۇمىس جۇلدەسىن جەڭىپ الدى.
جارىستىڭ سوڭعى كۇنى جەكە كەزدەسۋدە تيموفەي سەمونوۆ جاقسى ونەر كورسەتىپ، جاسوسپىرىمدەر اراسىنداعى الەم كۋبوگىنىڭ قولا مەدالىن الدى.
قازاقستاندىق سپورتشىلاردىڭ وسى جولى ءساتتى ونەر كورسەتكەنى ولاردىڭ حالىقارالىق ارەنادا باسەكەگە قابىلەتتى ەكەنىن تاعى ءبىر مارتە دالەلدەپ بەردى.
جاسوسپىرىمدەر اراسىنداعى سەمسەرلەسۋدەن الەم كۋبوگىنىڭ كەزەڭى (FIE Junior World Cup) 2026 جىلعى 2–4 قاڭتار ارالىعىندا فۋدجەيرادا (ءباا) ءوتىپ، جارىستا جاسوسپىرىمدەر مەن كادەتتەر راپيرامەن سايىسقا تۇسكەن.