5 قاڭتار، دۇيسەنبىدە قازاقستان اۋماعىندا قولايسىز اۋا رايى ساقتالادى. «قازگيدرومەت» سينوپتيكتەرى ەلدىڭ باسىم بولىگىندە سيكلون مەن اتموسفەرالىق فرونتتاردىڭ اسەرى جالعاساتىنىن مالىمدەدى، دەپ حابارلايدى Aqshamnews.kz ءتىلشىسى.
سيكلون اسەرى ءالى دە باسىم
مامانداردىڭ بولجامىنشا، رەسپۋبليكا اۋماعىنىڭ كوپ بولىگىندە قار جاۋىپ، بوران سوعادى. ال باتىس جانە وڭتۇستىك-شىعىس وڭىرلەردە جاڭبىر مەن قار ارالاس جاۋىن-شاشىن كۇتىلەدى.
تەك وڭتۇستىك پەن وڭتۇستىك-باتىس ايماقتاردا جاۋىن-شاشىنسىز اۋا رايى بولجانىپ وتىر.
كوكتايعاق پەن تۇمان ءقاۋپى بار
سينوپتيكتەر ەل بويىنشا تۇمان، كوكتايعاق جانە جەلدىڭ كۇشەيۋى مۇمكىن ەكەنىن ەسكەرتەدى. مۇنداي مەتەوجاعدايلار جول قوزعالىسىن قيىنداتىپ، اسىرەسە تاسجولداردا ءقاۋىپتى جاعداي تۋعىزۋى ىقتيمال.
ماماندار جۇرگىزۋشىلەرگە ساقتىق شارالارىن كۇشەيتىپ، ال جاياۋ جۇرگىنشىلەرگە تايعاقتا اباي بولۋعا كەڭەس بەرەدى.