ولاردىڭ اراسىندا پروفەسسور قايسار تابىنوۆ تا بار.
ەلوردا كۇنى قارساڭىندا پارتيانىڭ الماتى قالالىق فيليالى ءتوراعاسىنىڭ ءبىرىنشى ورىنباسارى مەيىرجان وتىنشييەۆ مەگاپوليس تۇرعىندارىنا پارتيا بيلەتتەرىن سالتاناتتى تۇردە تابىستادى، دەپ حابارلايدى Almaty-akshamy.kz.
قازاقستاننىڭ داڭقىن اسقاقتاتقان مادەنيەت پەن سپورت، ب ا ق، كاسىپكەرلىك، عىلىم، دەنساۋلىق ساقتاۋ جانە ءبىلىم بەرۋ سالاسىنىڭ وكىلدەرى ۇلكەن ىقىلاسپەن "نۇروتاندىقتاردىڭ" ءتىزىمىن تولىقتىردى. پارتبيلەتتى تاپسىرۋ ءراسىمىنىڭ الدىندا مەيىرجان وتىنشييەۆ جاقىندا تاعايىندالعان الماتى جوعارى وقۋ ورىندارىنىڭ رەكتورلارى - قازاق ۇلتتىق قىزدار ۋنيۆەرسيتەتىنىڭ رەكتورى گۇلميرا قاناي جانە اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى دارحان ءبىلالوۆتى قىزمەتكە كىرىسۋىمەن قۇتتىقتادى.
«سىزدەر جاس عالىمداردىڭ جاڭا لەبى بولىپ تابىلاسىزدار جانە ءدال وسى قيىن-قىستاۋ كەزەڭدە ەلىمىزدىڭ ءىرى جوعارى وقۋ ورىندارىن ءدال سىزدەرگە باسقارۋ سەنىپ تاپسىرىلدى. تاۋەلسىزدىك جىلدارى بارلىق قازاقستاندىقتارعا قولجەتىمدى بولعان شەتەلدىك ءبىلىم الىپ، ءوز وتانىڭىزعا ورالىپ، العان بىلىمدەرىڭىزبەن بولىسۋدەسىزدەر. مۇنىڭ ءبارى ستۋدەنت جاستارعا پايدالى جانە جاس ۇرپاق ءۇشىن جەمىستى عىلىمي مانساپتىڭ جارقىن مىسالى. ەلوردا كۇنىن مەرەكەلەۋ قارساڭىندا ەلباسى، ءبىزدىڭ پارتيامىزدىڭ كوشباسشىسىنىڭ كورەگەن ساياساتىنا دەگەن قولداۋىڭىزدى كورسەتكەندەرىڭىزگە قۋانىشتىمىن»، - دەپ اتاپ ءوتتى مەيىرجان وتىنشييەۆ.
قازۇاۋ حالىقارالىق ۆاكسينولوگيا ورتالىعىنىڭ ديرەكتورى، پروفەسسور قايسار تابىنوۆ تا پارتيا قاتارىن تولىقتىرعان عالىمداردىڭ قاتارىنان. ول - جانۋارلارعا، قۇستارعا جانە ادامدارعا ارنالعان ۆاكسينالاردىڭ ءار ءتۇرىن ازىرلەۋگە، زەرتتەۋگە جانە وندىرىسكە ەنگىزۋگە ماماندانعان جەتەكشى قازاقستاندىق عالىمداردىڭ بىرەگەيى. سوڭعى 15 جىل ىشىندە وزىمەن پىكىرلەس ادامداردىڭ توبى جوعارى پاتوگەندى قۇس تۇماۋى، جىلقى تۇماۋى، ءىرى جانە ۇساق قارا برۋسەللەز، قۇس تۇماۋى جانە شوشقا تۇماۋى، سونداي-اق ادامنىڭ ماۋسىمدىق تۇماۋى سياقتى ءقاۋىپتى ينفەكسيالارعا قارسى 7 ۆەتەريناريا ۆاكسيناسىن جانە 3 مەديسينا ۆاكسيناسىن جاساي الدى. بۇل ازىرلەمەلەردىڭ شامامەن 60%-ى ءساتتى ەنگىزىلدى، قالعاندارى وندىرىسكە ەنگىزۋ ساتىسىندا تۇر.
سونداي-اق، الماتى قالاسى بويىنشا پارتيانىڭ جاڭادان قۇرىلعان مۇشەلەرى قاتارىندا قازاقستان رەسپۋبليكاسىنىڭ ەڭبەك سىڭىرگەن مادەنيەت قايراتكەرى، حالىقارالىق كارل فابەرجە قورى وردەنىنىڭ جانە م.پەرحين اتىنداعى وردەننىڭ كاۆالەرى، «جىگەر» سىيلىعىنىڭ لاۋرەاتى جانە قاستەيەۆ اتىنداعى «التىن مەدال» يەگەرى ەستاي داۋبايەۆ جانە مادەنيەت سالاسىنىڭ ۇزدىگى ەرمەك سقاقوۆ جانە باسقالار دا بار.
«پارتيالىق بيلەت تەك پاتريوتتىق پارىزدى ەسكە ءتۇسىرىپ قانا قويماي، باسقا دا جەتىستىكتەر مەن يگى ىستەرگە سەنىمدىلىك بەرەدى. باسقا، جاڭا فورماتتاعى جۇمىس ءبىزدى حالىققا پايدا اكەلەم دەگەن ماقساتقا ۇمتىلدىرادى»، - دەدى ەستاي داۋبايەۆ.
