مۇنداي اكسيالار الداعى ۋاقىتتا دا جالعاسادى.
الاتاۋ اۋداندىق اكىمدىگىندە ۆاكسينا العان ازاماتتار اراسىندا تۇرمىستىق تەحنيكا ۇتىس ويىنى وتكىزىلدى، دەپ حابارلادى Almaty-akshamy.kz.
2-30 ماۋسىم ارالىعىندا اۋداننىڭ بارلىق ەكپە پۋنكتتەرىندە ۇتىس ويىنىنا قاتىسۋعا مۇمكىندىك بەرەتىن لوتەرەيا بيلەتتەرى تاراتىلدى. جەڭىمپازدار لوتوترونداعى كەزدەيسوق ىرىكتەۋ ارقىلى انىقتالدى.
سوڭعى لوتەرەيا ۇتىسىنا الاتاۋ اۋدانىنىڭ اكىمى ازامات قالدىبەكوۆ قاتىسىپ، اۋدان تۇرعىندارىنا جاۋاپتى ازاماتتىق ۇستانىمى ءۇشىن العىسىن ءبىلدىردى.
«الماتىلىق ەپيدەميولوگتار سovid-19-عا قارسى ەكپە الۋدىڭ ۇجىمدىق يممۋنيتەتتى قالىپتاستىرۋدا ماڭىزى زور ەكەنىن ايتتى. ۆاكسينا قارقىنىن تەزدەتۋ ءۇشىن ۆاكسينا العانداردى ىنتالاندىرۋدى ءجون كوردىك. كوروناۆيرۋستىڭ ءتورتىنشى تولقىنىندامىز. الماتىدا جاڭا "دەلتا" شتامى پايدا بولدى. ول وتە ءقاۋىپتى. سوندىقتان ۇجىمدىق يممۋنيتەتتى قالىپتاستىرۋعا ءوز ۇلەسىن قوسقان اۋدان تۇرعىندارىنا العىس ايتقىم كەلەدى»، – دەدى اۋدان اكىمى.
العاشقى جۇلدەگەرلەرگە 5 مۋلتيۆاركا بەرىلدى. جەڭىمپازداردىڭ اراسىندا الماتى قالاسىنىڭ تۇرعىنى انار قۇسايىنوۆا دا بار.
«مەن بالالارىمنىڭ قاۋىپسىزدىگى ءۇشىن ۆاكسينا الدىم. ۆاكسينا العان كەزدە ماعان بيلەت بەرىلىپ، ۇتىس ويىنىنا شاقىردى. مەن ۇتىس ويىنىنىڭ جەڭىمپازى بولعانىما قۋانىشتىمىن»، – دەدى انار قۇسايىنوۆا.
ءىس-شارانى ۇيىمداستىرۋشىلاردىڭ ايتۋىنشا، مۇنداي اكسيالار الداعى ۋاقىتتا دا جالعاسادى. دارىگەرلەر قالادا ۇجىمدىق يممۋنيتەتتى قالىپتاستىرۋ ءۇشىن حالىقتىڭ 75% ۆاكسينا الۋى قاجەت ەكەنىن ايتتى.
ەسكە سالساق، الماتىدا مەديسينالىق ۇيىمداردا، مەكتەپ، مادەنيەت، سپورت نىساندارىندا، بازار مەن قالانىڭ سوسو-دا 211 ۆاكسينا پۋنكتى جۇمىس ىستەيدى (250-گە دەيىن ۇلعايتۋ مۇمكىندىگىمەن). 1 257 ادام جۇمىلدىرىلعان 304 ەكپە بريگاداسى قىزمەت اتقارادى.
2021 جىلدىڭ 1 اقپانى مەن 2 شىلدەسى ارالىعىندا الماتىدا بارلىعى 487 736 ادام ۆاكسينا الدى. وتكەن تاۋلىكتە 15 292 ادام ەكپە الدى. 60 جاستان جوعارى ۆاكسينا العان ادامدار سانى 81 202 ادامدى قۇرايدى.