الماتىلىق حيرۋرگتار «رەكورد» جاڭارتتى

ولار  62 جاستاعى ايەلدىڭ وتىنەن 1730 تاس الدى.

الماتى قالاسىنىڭ №7 قالالىق كلينيكالىق اۋرۋحاناسىنا 62 جاستاعى ايەل وڭ جاق قابىرعا استىنىڭ اۋرۋى، جۇرەك اينۋ، قۇسۋ، اۋىزدىڭ قۇرعاۋى سەكىلدى شاعىمدارىمەن شۇعىل تۇسكەن، دەپ حابارلايدى Almaty-akshamy.kz  ەمدەۋ مەكەمەسىنىڭ باسپا ءسوز قىزمەتىنە سىلتەمە جاساپ.

دارىگەرلەر تەكسەرگەننەن كەيىن ناۋقاسقا "جەدەل تاس حولەسيستيتى" دەگەن دياگنوز قويىپ، جالپى انەستەزيامەن، زاماناۋي از ءينۆازيۆتى تەحنولوگيا بويىنشا – «لاپاروسكوپيالىق حولەسيستەكتوميا» وپەراسياسى جاسالدى.

وتا بارىسىندا وتتەن ديامەترى بىرنەشە ميلليمەتردەن 1،5 سانتيمەترگە دەيىنگى 1735 تاس شىعارىلعان.

"بۇل وتا مەنىڭ رەكوردىمدى جاڭارتتى. بۇل جولى تەك وتتەن 1730-دان استام تاس تابىلدى. دەنساۋلىقتى ساقتاۋ جانە ءوت تاس اۋرۋىمەن بايلانىستى اسقىنۋلاردىڭ الدىن الۋ ءۇشىن پروفيلاكتيكالىق جانە سكرينينگتىك تەكسەرۋلەردەن ءوتۋدى ۇسىنامىن"، - دەدى حيرۋرگيا ءبولىمىنىڭ مەڭگەرۋشىسى پروفەسسور مۇسا ساحيپوۆ.

مامانداردىڭ ايتۋىنشا، تاستاردىڭ سارى ءتۇستى بولۋى حولەستەريننىڭ جوعارى بولۋىنا بايلانىستى.

وتىنە تاس جيناۋدان رەكورد ورناتقان پاسيەنت وتادان كەيىن ءتورتىنشى كۇنى ۇيىنە شىقتى.