الماتىلىق ەر ادام جالعان دوللارعا كريپتوۆاليۋتا الماق بولعان

كۇدىكتى قاماۋعا الىندى.

الماتىدا ەر ادام جالعان دوللارعا كريپتوۆاليۋتا ساتىپ الماق بولدى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

ەر ادام كريپتوۆاليۋتا ساتىپ الۋ كەزىندە جالعان بانكنوتتارمەن تولەم جاساماق بولعان.

«ءبىزدىڭ بولىمشەگە الاياقتىق دەرەگى بويىنشا جەرگىلىكتى تۇرعىن جۇگىندى. ونىڭ ايتۋىنشا، بەلگىسىز بىرەۋ كريپتوۆاليۋتا ساتىپ الۋ كەزىندە وعان جالعان 100 مىڭ دوللار تولەمەك بولعان. ءىس جۇرگىزۋ بارىسىندا جابىرلەنۋشىنىڭ ينتەرنەت ارقىلى كريپتوۆاليۋتانى ءىرى كولەمدەگى سومماعا ساتۋعا كەلىسكەنى انىقتالدى. كەزدەسۋ جوسپارلانعان بولاتىن، وندا ساتۋشى كريپتواميانعا ەلەكتروندى اقشانى  اۋداردى. الايدا «ساتىپ الۋشى» كريپتوۆاليۋتانى العانىن راستامادى جانە ونى الدادىڭ دەپ ايىپتاۋعا تىرىستى. بۇل الدىن الا ويلاستىرىلعان الاياقتىقتىڭ بولىگى بولىپ شىقتى. كۇدىكتى قاماۋعا الىندى. ول ا.ەسىمدى ازامات بولىپ شىقتى. بەلگىلى بولعانداي، ۇستالعان ازامات ۆيرتۋالدى اقشانى ساتىپ الۋ بويىنشا ءوز مىندەتتەمەلەرىن ورىنداعىسى كەلمەگەن، سوندىقتان ول كەزدەسۋگە جالعان دوللارلىق كۋپيۋرالاردى الىپ كەلگەن»، – دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ. 

اتالعان دەرەك بويىنشا تەرگەۋ ق ر قك-نىڭ 190-بابى 4-بولىگىنە سايكەس قىلمىستىق ءىستى تىركەدى. كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى. قازىرگى ۋاقىتتا پوليسيا قىزمەتكەرلەرى اتالعان زاڭسىز ارەكەتتىڭ ىقتيمال سىبايلاستارىن انىقتاۋ جانە ۇستاۋعا باعىتتالعان جەدەل ىزدەستىرۋ جانە تەرگەۋ ءىس-شارالارىن جۇرگىزىپ جاتىر.