قازاقستان ۇلتتىق عىلىم اكادەمياسىنا مەملەكەتتىك مارتەبەسى قايتارىلدى

توقايەۆ اكادەميانىڭ ءرولىن ارتتىرۋدى تاپسىرعان بولاتىن.

ۇكىمەت ءتيىستى قاۋلى قابىلدادى، دەپ حابارلايدى Almaty-akshamy.kz ۇكىمەتتىڭ سايتىنا سىلتەمە جاساپ.

«قازاقستاننىڭ ۇلتتىق عىلىم اكادەمياسى جارعىلىق كاپيتالىنا مەملەكەت ءجۇز پايىز قاتىساتىن كوممەرسيالىق ەمەس اكسيونەرلىك قوعامعا اينالادى. ق ر ۇكىمەتى ءتيىستى قاۋلىنى قابىلدادى»، - دەلىنگەن حابارلامادا.

«قازاقستان رەسپۋبليكاسىنىڭ ۇلتتىق عىلىم اكادەمياسى» كەاق قىزمەتىنە: الەۋمەتتىك-ەكونوميكالىق دامۋ باسىمدىقتارىنا سايكەس عىلىمي، عىلىمي-تەحنيكالىق جانە يننوۆاسيالىق قىزمەتتىڭ باسىم باعىتتارىن، سونداي-اق قازاقستان رەسپۋبليكاسىنداعى ستراتەگيالىق، ىرگەلى جانە قولدانبالى عىلىمي زەرتتەۋلەردىڭ باسىم باعىتتارىن ايقىنداۋ جونىندەگى ۇسىنىمداردى ازىرلەۋ؛ عىلىم سالاسىندا اتاۋلى سىيلىقتار مەن ستيپەنديالار الۋعا كونكۋرستار وتكىزۋ؛ عىلىم مەن تەحنيكانىڭ ءارتۇرلى سالالارىندا عىلىمي زەرتتەۋلەر جۇرگىزۋ؛ عىلىمي جۋرنالدار شىعارۋ، حالىقارالىق عىلىمي جانە عىلىمي-تەحنيكالىق ىنتىماقتاستىقتى دامىتۋعا قاتىسۋ؛ عىلىمدى تانىمال ەتۋگە قاتىسۋ جانە ت.ب. كىرەدى.

ق ر ۇعا جۇمىسىن قارجىلاندىرۋ رەسپۋبليكالىق بيۋدجەتتەن بولىنگەن بيۋدجەت قاراجاتى ەسەبىنەن جۇرەدى.

بيىلعى 1 ماۋسىمدا قازاقستاننىڭ ۇلتتىق عىلىم اكادەمياسىنىڭ مەرەيتويلىق سەسسياسىندا مەملەكەت باسشىسى قاسىم-جومارت توقايەۆ بيۋدجەتتەن قارجى ءبولىپ، مەملەكەتتىك مارتەبە بەرە وتىرىپ، اكادەميانىڭ ءرولىن ارتتىرۋدى تاپسىرعان بولاتىن.