بيلىك كوروناۆيرۋستى جۇقتىرۋ ءقاۋپى جوعارى ايماقتاردى انىقتامايدى.
قىتايدىڭ ۇلتتىق دەنساۋلىق ساقتاۋ كوميسسياسى 8 قاڭتاردان باستاپ COVID-19-عا قاتىستى شەكتەۋلەردى جەڭىلدەتەتىنىن حابارلادى. باقىلاۋ دەڭگەيى ا توبىنان ۆ توبىنا دەيىن تومەندەتىلەدى، دەپ حابارلايدى Almaty-akshamy.kz.
Global Times-تىڭ جازۋىنشا، ەلگە كەلگەندەر بۇدان بىلاي كارانتيندى قاجەت ەتپەيدى. سونىمەن قاتار بيلىك كوروناۆيرۋستى جۇقتىرۋ ءقاۋپى جوعارى ايماقتاردى انىقتامايدى.
سونداي-اق ەلدە پاندەمياعا بايلانىستى حالىقارالىق جاعدايدى جانە بارلىق سەكتورلاردى قولداۋ مۇمكىندىگىن ەسكەرە وتىرىپ، جولاۋشىلار كولىگىنىڭ، سۋ جانە قۇرلىق پورتتارىنىڭ كىرۋ-شىعۋى رەتتەلگەن تۇردە كەزەڭ-كەزەڭىمەن قالپىنا كەلتىرىلەدى. الايدا قىتايعا كەلگەن شەتەلدىكتەر كەتۋدەن 48 ساعات بۇرىن تەستىلەۋدەن ءوتۋى كەرەك.
جەرگىلىكتى ۇكىمەتتەر ەنگىزگەن كەڭ اۋقىمدى قۇلىپتاۋ جانە قوزعالىستى شەكتەۋ سياقتى شارالار ەندى قولدانىلمايدى.