انتيۆاكسەرلەر ءوز ىستەرىنە ءدىني سەنىمدەردى ءجيى پايدالانادى.
الماتى قالالىق ءدىن ىستەرى باسقارماسىنىڭ ءاقپاراتتىق-تۇسىندىرۋ توبىنىڭ مۇشەسى، فيلوسوفيا عىلىمدارىنىڭ دوكتورى گۇلنار جۇمانوۆا وڭىرلىك كوممۋنيكاسيالار قىزمەتىنىڭ بريفينگىندە وسىنداي پىكىرىمەن ءبولىستى. سونىمەن قاتار تەولوگ ءدىندارلارعا ۇسىنىستار بەردى، دەپ حابارلايدى Almaty-akshamy.kz.
«حالىقتىڭ كوپشىلىگى وزدەرىن ءدىندارلار دەپ سانايدى، ولار ءۇشىن ءدىني سەنىمدەر شىنايى. انتيۆاكسەرلەر مۇنى ءوز ىستەرىنە پايدالاندى. ولار ءدىني سەنىمدەر ارقىلى وزدەرىنىڭ مالىمدەمەلەرىن، جورامالدارىن، كۇماندارىن، ۇرەيلەرىن كۇشەيتەدى، دالەلدەيدى، اقتايدى. باسقاشا ايتقاندا، ولار ءدىننىڭ بەدەلىن ءوز ىستەرىنە پايدالانادى»، - دەدى تەولوگ.
گ. جۇمانوۆانىڭ ايتۋىنشا، بارلىق دىندەردىڭ ءبىرىڭعاي ءادىسى بار: ماسەلەنىڭ ءمانىن ءتۇسىنۋ ءۇشىن ماماندارعا جۇگىنۋ قاجەت. ول قاسيەتتى كىتاپتار – قۇران مەن بيبليادان ۇزىندىلەر كەلتىردى:
«ەگەر سىزگە بىرەۋ سۋىت حابار جەتكىزسە، وندا ەشكىمگە زيان كەلتىرمەۋ جانە جاساعان ىسىڭىزگە وكىنبەۋ ءۇشىن ونىڭ شىنايىلىعىن بىلۋگە تىرىسىڭىز». (قۇران 49: 6 (بولمەلەر).
«بىلمەگەنىڭىزدى بىلەتىن ءبىلىم يەلەرىنەن سۇراڭىز» (قۇران. ان-ناحل / ارالار 16:43).
«راسىندا، بىلىمسىزدەر ءوز ارەكەتتەرىمەن وزگەلەردى اداستىرادى» (قۇران. ءال-ان'ام / تاماق 5:119).
گ. جۇمانوۆا ءدىن قىزمەتكەرلەرى پىكىرىنىڭ بەدەلدى ەكەنىن ءارى جۇرتشىلىققا ۇلكەن اسەرى بارىن اتاپ ءوتتى.
«ءبىزدىڭ تەولوگتار – اقىلدى، ساۋاتتى، ءبىلىمدى ادامدار، ولار ماسەلەنىڭ ءمانىن تۇسىنەدى. ولار وزدەرىنىڭ دەنساۋلىعى مەن ءال-اۋقاتىن، سونداي-اق جاقىندارىنىڭ اماندىعىن ساقتاۋعا مۇددەلى. ولار قالىپتاسقان جاعدايدى دۇرىس تۇسىنەدى ءارى ادامداردىڭ دەندەرىنىڭ ساۋ، تولىققاندى ءومىر سۇرۋلەرى ءۇشىن ەكپە الۋعا شاقىرادى. تەولوگتار ماماندارعا، دارىگەرلەرگە سەنەدى. ءبىز – زايىرلى مەملەكەتپىز، ياعني مەملەكەت دىننەن بولىنگەن. سوندىقتان ولار ءبىرىنىڭ ىسىنە ءبىرى ارالاسپايدى. ءبىراق، مەملەكەتتىڭ دە، ءدىننىڭ دە مۇددەسى ورتاق. ول – حالىقتىڭ ءومىرى مەن دەنساۋلىعى»، - دەدى ءدىنتانۋشى گ. جۇمانوۆا.
الماتى قالاسى ءدىن ىستەرى باسقارماسىنىڭ وكىلى ۆاكسينالانۋدان باس تارتۋدىڭ ەش ءدىني سەبەپتەرى جوق ەكەنىن ءتۇسىندىردى. ونىڭ پىكىرىنشە، مۇحاممەد پايعامبار كەزىندە ۆاكسينا بولماعان، سوندىقتان قۇراندا جانە سۇننەتتە ۆاكسينالانۋعا ناقتى تىيىم نەمەسە قولداۋ ايتىلماعان.
«ءار كاسىپتىڭ ءوز ماماندارى بار. ۆاكسينالانۋ تۋرالى ديلەتانت ەمەس، ميكروبيولوگيا، ەپيدەميولوگيا، ۆيرۋسولوگيا سالاسىندا تەرەڭ ءبىلىمى بار، عالىم-مامان عانا ايتۋى ءتيىس»، - دەپ قورىتىندىلادى ءسوزىن گ. جۇمانوۆا.