رەسپۋبليكا سارايىندا تۇڭعىش رەت «جاس قانات. بالالار» بايقاۋى جانە «جاس قانات» جاس ورىنداۋشىلار بايقاۋىنىڭ ءبىرىنشى جارتىلاي فينالى ءوتتى، دەپ حابارلايدى Almaty-akshamy.kz.
«جاس قانات. بالالار» بايقاۋىنا 22 ۇمىتكەر قاتىستى. ولاردىڭ كەرەمەت ونەر كورسەتكەنى سونشا، قازىلار القاسى شەشىم شىعارار الدىندا قينالىپ، ۇزاق تالقىلادى. ناتيجەسىندە ولار ءۇش جۇلدە تاعايىنداپ قانا قويماي، سول جەردە گران-پري تۋرالى شەشىم قابىلدادى.
گران-پري الماتىلىق داستان تۇردالىعا بۇيىردى. 1 ورىندى تۇركىستان وبلىسىنان كەلگەن زەرە ءجۇنىسباي قانجىعاسىنا بايلاسا، 2 ورىندى ماڭعىستاۋلىق ءامينا اسعاتوۆا يەلەندى. ال 3 ورىننىڭ تۇعىرىنان اقتوبە وبلىسىنان كەلگەن بالىم نىسانالى كورىندى. جەڭىمپازدارعا التىن، كۇمىس جانە قولا قاناتتاردان بولەك، الداعى حالىقارالىق «ازيا داۋىسى» فەستيۆالىنە دايىندىق ءۇشىن الماتى قالاسىنىڭ اكىمى ەربولات دوسايەۆتىڭ اتىنان اقشالاي گرانتتار تابىس ەتىلدى.
«بۇل وتە اسەرلى ءسات بولدى. بالالار شىن جۇرەكتەن ءان ايتقان كەزدە تەحنيكالىق جانە ۆوكالدىق قابىلەتتەرى تۋرالى ويلانبايسىڭ. بۇل تازالىق، كەرەمەت ەرتەگى، ولاردىڭ سەزىمىن سوزبەن جەتكىزۋ مۇمكىن ەمەس! ولاردان ەرەسەكتەر كوپ نارسە ۇيرەنۋى كەرەك. ارينە، مۇندا جەڭىلگەندەر جوق، ءبارى دە جەڭىمپاز، ءبارى تاماشا! ءبىز ۇزاق ۋاقىت بويى ۇزدىكتى تاڭداي المادىق»، - دەدى قازىلار القاسىنىڭ مۇشەسى، ءانشى، سازگەر مەدەۋ ارىنبايەۆ.
سونداي-اق بۇگىن «ازيا داۋىسى» فەستيۆالى تاقىرىبىنداعى بالالار سۋرەتى بايقاۋىنىڭ جەڭىمپازدارى دا جۇلدە الدى. قازىلار القاسى «قولا قاناتتى» جەزقازعاندىق ايدا دەربىسكە بەردى. كۇمىس قوستانايلىق كيرا لانتۋحقا بۇيىردى. وزىندىك ويى، قالامىنىڭ قارىمدىلىعىمەن كوزگە تۇسكەن ايسەل مۇقاشيەۆا «التىن قاناتتى» جەڭىپ الدى. شىعارماشىلىق بايقاۋعا قازاقستاننىڭ بارلىق وڭىرىنەن بالالار 311 جۇمىس جىبەردى. ارينە، ولار «ازيا داۋىسىنىڭ» نە ەكەنىن بىلمەيدى.
ولار اڭىزعا اينالعان بايقاۋ تۋرالى اتا-انالارىنان، اتا-اجەلەرىنەن سۇراپ بىلگەن. دەگەنمەن، ۇسىنىلعان جۇمىستاردىڭ دەڭگەيى تاڭ قالدىرادى. بالالار ءارتۇرلى ادىستەردى قولدانعان. جۇمىستار بىرنەشە سانات، ونىڭ ىشىندە تۇپكى يدەيا مەن شىعارماشىلىق ويلاۋ بويىنشا دا باعالاندى. بايقاۋعا 169 مەكتەپ، گيمنازيا مەن ليسەيدەن، سونداي-اق انالارى ارقىلى، عالامتوردان بايقاۋ تۋرالى ءوز بەتىنشە بىلگەن بالالار قاتىستى. ءقازىر رەسپۋبليكا سارايىنىڭ فويەسىندە قويىلعان بۇل تۋىندىلار «ازيا داۋىسى» كەزىندە Almaty Gallery قابىرعاسىندا قويىلادى. كورەرمەندەر بۇل تاڭعاجايىپ كورمەنى كورەرمەندەردىڭ ەرتەڭگە دەيىن تاماشالاۋىنا مۇمكىندىگى بار.
