قازاقستاندىقتاردىڭ نەسيە الۋدان ەرىكتى تۇردە باس تارتۋىنا بولادى.
ياعني كەز كەلگەن ادام ءوز اتىنان نەسيە الۋعا تىيىم سالا الادى. بۇل ەلەكتروندى ۇكىمەت پورتالى ارقىلى جۇزەگە اسىرىلادى، دەپ حابارلايدى Almaty-akshamy.kz.
قازاقستان ۇلتتىق تەلەارناسىنىڭ رەسمي سايتىنىڭ اقپاراتىنا جۇگەنسەك، قارجى نارىعىن رەتتەۋ جانە دامىتۋ اگەنتتىگىنىڭ مالىمەتىنشە ەگەر ازامات نەسيە الۋدان ەرىكتى تۇردە باس تارتسا بانكتەر مەن ميكروقارجى ۇيىمدارى ونىڭ اتىنا نەسيە راسىمدەي المايدى.
بۇل فۋنكسيا الاياقتاردان قورعاۋ ءۇشىن تاپتىرماس قۇرال. جەكە تۇلعانىڭ نەسيە الۋىنا تىيىم سالىنعان جاعدايدا الاياقتار ارقىلى راسىمدەلگەن قارىزدى تولەمەۋگە بولادى. بۇل سەرۆيس ەGov ۆەب-پورتالىندا جانە eGov Mobile ءموبيلدى قوسىمشاسىندا قول جەتىمدى.